Žychara Mazyra ŭ zakrytym režymie asudzili pa pratesnych artykułach
Jon byŭ zatrymany ŭ listapadzie 2022 hoda supracoŭnikami homielskaha HUBAZiKa i AMAPa na pracoŭnym miescy.
Homielski abłasny sud u zakrytym pasiadžeńni 22 žniŭnia vynies prysud žycharu Mazyra Antonu Chadkieviču, abvinavaciŭšy jaho adrazu pa niekalkich pratesnych artykułach.
Antona Chadkieviča abvinavacili ŭ tym, što jon udzielničaŭ u niesankcyjanavanych masavych mierapryjemstvach (č. 1 art. 342 KK) sadziejničaŭ «ekstremisckaj» dziejnaści ( č. 1 i č. 2 art. 361-4 KK) praz uvachodžańnie ŭ «ekstremisckaje» farmiravańnie. Aproč hetaha, Antona abvinavacili ŭ paklopie na Alaksandra Łukašenku (č. 1 art. 367 KK), piša «Homielskaja viasna».
Viadoma, što Anton Chadkievič pracavaŭ inžynieram-enierhietykam u minskaj firmie, jakaja ŭ toj čas absłuhoŭvała abjekty Mazyrskaha naftapierapracoŭčaha zavoda. Jon byŭ zatrymany ŭ listapadzie 2022 hoda supracoŭnikami homielskaha HUBAZiKa i AMAPa na pracoŭnym miescy. Da suda jon znachodziŭsia ŭ SIZA-3.
Sudździa Aleh Charoška, jakoha ŭnieśli ŭ sankcyjny śpis ES, pakaraŭ Chadkieviča pazbaŭleńniem voli terminam na try hady i šeść miesiacaŭ kałonii va ŭmovach uzmocnienaha režymu.
Padtrymać Antona: SIZA-3, vuł. Knižnaja, 1A, h. Homiel, 246003, Chadkievič Anton Anatoljevič.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary