Homielskamu barmienu Viatoškinu zamianili «chatniuju chimiju» na kałoniju
U mai hetaha hoda Homielski abłasny sud asudziŭ da piaci hadoŭ «chatniaj chimii» 30-hadovaha barmiena homielskaha bara «Kvaternik» Hleba Viatoškina, adnak prysud u siłu tak i nie ŭstupiŭ. Jaho Hlebu zamianili na bolš surovy, piša vydańnie «Lusterka».
Jak raskazali krynicy «Lusterka», 8 červienia prakuratura padała apielacyjny pratest na pastanovu suda. U vyniku pierahladu spravy hamialčuk byŭ asudžany na 1,5 hoda kałonii ahulnaha režymu.
Pra zatrymańnie Hleba Viatoškina pravaabaroncy daviedalisia 28 listapada 2022 hoda z praŭładnych telehram-kanałaŭ. Paviedamlałasia, što jon nibyta raspaŭsiudžvaŭ «ekstremisckija materyjały», a ŭ žniŭni 2020 hoda ŭdzielničaŭ u pratestach, abražaŭ pradstaŭnikoŭ ułady i raspalvaŭ sacyjalnuju varožaść.
Uvieś čas da suda mužčyna znachodziŭsia ŭ SIZA-3 u Homieli. Taksama paśla zatrymańnia ŭ dačynieńni da Hleba byŭ składzieny pratakoł pavodle č. 2 art. 19.11 KaAP — «Raspaŭsiud ekstremisckich materyjałaŭ».
30 maja hetaha hoda ŭ Homielskim abłasnym sudzie sudździa Alaksandr Piskunoŭ abviaściŭ prysud: abmiežavańnie voli biez nakiravańnia ŭ papraŭčuju ŭstanovu adkrytaha typu terminam na piać hadoŭ. Hleb byŭ vyzvaleny z-pad varty ŭ zale suda.
Paźniej, adnak, prakuratura padała apielacyjny pratest na pastanovu suda i, pavodle źviestak krynic «Lusterka», pieršapačatkova prasiła prysudzić hamielčuku try hady pazbaŭleńnia voli.
Sprava razhladałasia ŭ Viarchoŭnym sudzie 8 žniŭnia. Pradstaŭnik prakuratury zapytaŭ 1,5 hoda pazbaŭleńnia voli z adbyvańniem u kałonii ahulnaha režymu. Sudovaja kalehija padtrymała zapyt prakurora.
Prysud ustupiŭ u zakonnuju siłu z uniesienymi sudom źmienami. Na nastupnym tydni Hleb adpravicca adbyvać pakarańnie.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary