U Minsku ad udaru małanki zaharełasia dreva, a ŭ Vilejskim rajonie ad niepahadzi zahinuŭ čałaviek
U Minsku druhija sutki niepahadź. Z-za padtapleńniaŭ u centry siońnia spyniali transpart, a ŭ rajonie vulicy Karastajanavaj navat zaharełasia dreva, jak miarkujecca, ad udaru małanki.
Vidavočcy paviedamlajuć, što pažar užo likvidavany.
Akramia taho, minčuki dzielacca paviedamleńniami ab pavalenych drevach u horadzie i na trasach. Pavodle źviestak MNS, tolki za ŭčora ŭ Minsku ŭpała 16 dreŭ.
Padobnaja niepahadź bušuje i ŭ pravincyi, padčas jaje navat hinuć ludzi. Tak adbyłosia ŭ Vilejskim rajonie, dzie na mužčynu ŭpała dreva, paviedamili ŭ MNS.
Zahinuły — 52-hadovy žychar Smalavickaha rajona. Pavodle papiaredniaj infarmacyi, jon razam ź siamjoj pryjechaŭ adpačyć na Vilejskim vadaschoviščy. Kali pačaŭsia ŭrahan, žonka sa starejšym synam schavalisia ŭ aŭtamabili, a mužčyna z 11-hadovym dziciem zastaŭsia pieračakać niepahadź u pałatcy. Ale padčas navalnicy mocnym paryvam vietru vyrvała dreva, jakoje ŭpała na pałatku i prycisnuła mužčynu. Žančyna nieadkładna vyklikała MNS i chutkuju dapamohu, ale heta nie dapamahło — jaje muž zahinuŭ ad traŭmaŭ. Padletak surjoznych traŭmaŭ nie atrymaŭ.
Čytajcie taksama:
U Łahojskim rajonie pierakuliłasia mašyna chutkaj dapamohi
U Kapylskim rajonie małanka ŭdaryła ŭ kupał carkvy
Na žnivie ŭ Lubanskim rajonie zahinuŭ 18-hadovy pamočnik kambajniera
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary