Palitviaźnia ŭ Viciebsku asudzili na dva hady kałonii za abrazu Łukašenki
U sudzie Viciebskaha rajona 21 červienia asudzili Kanstancina Stupnikava pavodle č. 1 art. 368 KK (abraza Łukašenki). Sudździa Michaił Zubienia pryznačyŭ Kanstancinu dva hady pazbaŭleńnia voli ŭ kałonii va ŭmovach ahulnaha režymu, piša «Viasna».
Jak paviedamiŭ Kanstancin Stupnikaŭ na sudzie, 25 krasavika hetaha hoda jon adznačaŭ Radaŭnicu razam z maci, siastroju i jaje mužam. Kampanija šmat vypiła, paśla čaho žančyna vyklikała na jaho milicyju. Pavodle mierkavańnia suda, Kanstancin u prysutnaści milicyjantaŭ niecenzurna vykazvaŭsia ŭ adras Łukašenki.
«U abvinavačańni hučać słovy «prezident Alaksandr Ryhoravič». Ja nie kazaŭ takoha, prosta skazaŭ «Łukašenka». Supracoŭniki milicyi mianie nie zatrymlivali, nie spyniali. Jany prosta stajali i čakali, pakul ja nahavarusia pry ich. Možna było mianie dva razy dubinkaj pierabić, kab ja pryjšoŭ u prytomnaść, bo ja nie pamiataju, jak ja vykazvaŭsia».
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary