«Sprava ab spadarožnikavych talerkach». Małdova vysyłaje 45 čałaviek z pasolstva Rasii
Małdova vysyłaje 22 rasijskich dypłamataŭ praz špijonski skandał. Aficyjnaja pradstaŭnica Ministerstva zamiežnych spraŭ Rasii Maryja Zacharava zajaviła na bryfinhu 26 lipienia, što RF rasceńvaje heta «jak ničym nie abhruntavanyja i niedružalubnyja dziejańni, jakija nie zastanucca biez adkazu», piša Newsmaker.
Jak udakładniŭ daradca ministra zamiežnych spraŭ Małdovy pa kamunikacyjach Ihar Zacharaŭ, ułady pryniali rašeńnie adpravić 22 dypłamataŭ i 23 pradstaŭnikoŭ techničnaha piersanału pasolstva Rasii. «Ich nie abviaščajuć piersonami non hrata, a prosiać pakinuć Małdovu ŭ metach zabieśpiačeńnia dypłamatyčnaha parytetu», — adznačyŭ jon.
Aficyjny pradstaŭnik MZS Rasii Maryja Zacharava prakamientavała rašeńnie ŭładaŭ Małdovy.
«Rasceńvajem heta jak nieabhruntavanyja i niedružalubnyja dziejańni, jakija nie zastanucca biez adkazu. Heta čarhovy krok razbureńnia dvuchbakovych adnosin z boku kišynioŭskaha režymu», — zajaviła Zacharava.
24 lipienia małdaŭskija miedyja apublikavali sumiesnaje rasśledavańnie. Žurnalisty vyśvietlili, što na dachu rasijskaha pasolstva ŭ Małdovie ŭstalavany dziasiatki anten i spadarožnikavych talerak.
Jany pierachoplivajuć sihnały spadarožnikavaj telefanii. Heta dazvalaje słuchać telefonnyja razmovy i pierachoplivać pieramovy pa racyi miascovaj palicyi. Pavodle źviestak miedyja, z kožnym hodam kolkaść spadarožnikavych talerak raście, a na dach ambasady padnimajucca supracoŭniki rasijskich śpiecsłužbaŭ.
Paśla publikacyi rasśledavańnia Ministerstva zamiežnych spraŭ i jeŭraintehracyi vyklikała pasła Rasii ŭ Małdovie Aleha Vaśniacova.
Ministr Niku Papiesku abviaściŭ, što ŭłady pryniali rašeńnie skaracić kolkaść rasijskich dypłamataŭ.
«Na naš pohlad, vielmi važna, kab dypłamatyčnyja słužby nie tolki našaj krainy, ale i inšych dziaržaŭ byli nacelenyja na raźvićcio dobrych adnosin, a nie na destabilizacyju našaj krainy. My damovilisia ź instytutami i asobami, jakija prymajuć palityčnyja rašeńni, ab nieabchodnaści abmiežavańnia kolkaści rasijskich dypłamataŭ, akredytavanych u Małdovie. Heta robicca dla taho, kab u Małdovie było mienš asob, jakija zajmajucca destabilizacyjaj krainy», — zajaviŭ ministr.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary