Člen chakiejnaj kamandy Łukašenki i miljanier Pavieł Bieły vyjšaŭ ź SIZA, u jakim pravioŭ troje sutak
Jak stała viadoma «Našaj Nivie», biznesmien Pavieł Bieły, blizki da Łukašenki, vyzvaleny z-pad varty. Ale kryminalnaja sprava nie spyniena.
Pavieł Bieły pobač z Łukašenkam ź ličbaj 5 na formie (jon hulaje pad numaram 55). Fota: BiełTA
Pra zatrymańnie ŭłaśnika budaŭničaj kampanii «Tapas» Paŭła Biełaha my paviedamlali na minułym tydni.
Čytajcie taksama: U Minsku zatrymany člen chakiejnaj kamandy Łukašenki, ułaśnik «Tapasa» miljanier Pavieł Bieły — krynicy
Zatrymańnie było źviazana z pretenzijaj finansavych orhanaŭ da adnoj z padkantrolnych biznesmienu firmaŭ.
Jak stała viadoma paźniej, Bieły ŭžo na voli — u SIZA jon pravioŭ try dni, 72-hadzinny termin zatrymańnia śledčyja praciahvać nie stali.
Pa našaj infarmacyi, kryminalnaja sprava suprać Biełaha nie spyniena i pretenzii zastajucca, jon adpuščany pad abaviazacielstvy vypłacić naličany doŭh.
Pavieł Bieły — chakieist kamandy Alaksandra Łukašenki, jakuju jašče nazyvajuć zbornaj «Čornaha šlema». U niejki čas najlepšy bambardzir i najlepšy halavy asistent Łukašenki. Doŭhi čas jon byŭ u favory.
Pa kapryzie Alaksandra Łukašenki, jakomu padabajecca hulać u chakiej, jon nabliziŭ da siabie i azałaciŭ šmatlikich chakieistaŭ ad Michaiła Zacharava da Dźmitryja Baskava i Paŭła Biełaha.
Pieršapačatkova Bieły byŭ hancom ad asobnych biznesmienaŭ da Alaksandra Łukašenki. Karystajučysia blizkaściu da cieła, jon atrymlivaŭ dla inšych premijalnyja ŭčastki ziamli pad zabudovy za dolu ŭ kampanijach, jakija realizoŭvali prajekt. U vyniku ź ciaham času kampanija partnioraŭ — «Tapas» — stała całkam jahonaj.
Ciapier Bieły — adzin z asnoŭnych zabudoŭščykaŭ Minska. Jamu naležyć šmat nieruchomaj majomaści ŭ roznych rajonach stalicy, pieravažna ŭ centry i vakoł Drazdoŭ, dzie mieścicca adna z rezidencyj Alaksandra Łukašenki i katedžavyja kvartały vyšejšaha čynavienstva.
U pryvatnaści, u jahonym restaranie «Lebiadziny», pabudavanym na bierazie vadaschovišča, rehularna adbyvajucca mierapryjemstvy dla łukašenkaŭskaj elity, u tym liku z udziełam samoha Łukašenki.
«Tapas» Paŭła Biełaha budavaŭ kvartał «Alimpik park» u Drazdach, kvatery ŭ jakim pa źnižanych cenach kuplali pradstaŭniki najvyšejšaj łukašenkaŭskaj namienkłatury.
Čytajcie taksama: Natalla Ejsmant kupiła apartamienty ŭ «Alimpik Parku» za $167 tysiač
Heta ŭžo nie pieršaje zatrymańnie Biełaha. U 2012-m najlepšaha bambardzira zbornaj «Čornaha šlema» ŭžo zatrymlivaŭ KDB, ale vypuskaŭ paśla rasparadžeńnia Łukašenki.
«Naša Niva» — bastyjon biełaruščyny
PADTRYMAĆCiapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary