Vystavili na prodaž majomaść kambinata, dzie byŭ vytkany «Habielen stahodździa»
Aŭkcyjonnaja placoŭka ZAT «Biełrealizacyja» vystaviła na tarhi majomaść Barysaŭskaha kambinata dekaratyŭna-prykładnoha mastactva imia Kiščanki. Abjava raźmieščana na elektronnaj placoŭcy, zaŭvažyła vydańnie Office Life.
U łot uklučanyja mastackija majsterni, vytvorčyja karpusy, składy. Ahulnaja płošča industryjalnaj nieruchomaści — kala 9 tys. kv. m. Cana na jaje źmienšanaja ŭ paraŭnańni z ad pačatku zapłanavanaj až na 90%, da 977,7 tys. rubloŭ (323 tys. dalaraŭ). Aŭkcyjon zapłanavany na 3 žniŭnia.
Rašeńnie ab rasprodažy tvorča-vytvorčaj bazaj Biełaruskaha sajuza mastakoŭ pryniata paśla taho, jak sud zaćvierdziŭ likvidacyju kambinata.
Viadoma, što na praciahu apošnich hadoŭ pradpryjemstva śpiecyjalizavałasia na stvareńni tvoraŭ dekaratyŭna-prykładnoha mastactva. Siarod ich taki viadomy tvor, jak «Habielen stahodździa», vytkany barysaŭskimi majstrami na pačatku 90-ch pa eskizach mastaka Alaksandra Kiščanki, čyjo imia kambinat nabyŭ paśla śmierci tvorcy.
«Habielen stahodździa» za svaje pamiery trapiŭ u Knihu rekordaŭ Hiniesa. Apošni raz jaho vystaŭlali na ahlad publiki ŭ 2014 hodzie, uvieś astatni čas jon zachoŭvaŭsia na kambinacie.
Čytajcie taksama:
U Ščorsach znoŭ pradajuć častku byłoha majontka Chraptovičaŭ, užo za biescań
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Niachaj zharyć.