Palitviazień Cimur Ryzapur pravioŭ u ŠIZA bolš za 100 sutak. U žniŭni-2020 jaho padstrelili humovymi kulami
Cimur adbyvaje pakarańnie čatyry z pałovaj hady źniavoleńnia za ŭdzieł u pratestach.
Uviečary 10 žniŭnia 2020 hoda, kali mužčyna viartaŭsia z pracy dadomu, u jaho trapili humovymi kulami piać razoŭ: adzin raz — u žyvot i čatyry razy — u jahadzicu.
Cimura zatrymali 30 vieraśnia 2020 hoda ŭ Breście i paźniej abvinavacili va ŭdziele ŭ masavych biesparadkach pavodle č. 2 art. 293 KK, piša «Viasna».
10 sakavika 2021 hoda ŭ sudzie Maskoŭskaha rajona Bresta Cimuru i jašče vaśmi inšym fihurantam hetaj spravy vynieśli prysudy. Ryzapuru pryznačyli 4,5 hoda kałonii va ŭmovach uzmocnienaha režymu. U Cimura troje niepaŭnaletnich dziaciej, jon adziny ŭ siamji zarablaŭ hrošy.
Termin palitviazień adbyvaje ŭ navapołackaj kałonii. Administracyja rehularna źmiaščaje Cimura ŭ štrafny izalatar. Ahułam jon adbyŭ tam bolš za 100 sutak. Niadaŭna jaho źmiaścili ŭ PKT.
Padtrymajcie Cimura listami i telehramami: PK №1, 211440, h. Navapołack, vuł. Techničnaja, 8, Cimur Nabijevič Ryzapur.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary