«Biełaruśfilm» vypuściŭ prapahandyscki film pra lekaraŭ, jakija nie chočuć źjazdžać z krainy
Karcinu pad nazvaj «List čakańnia» 12 červienia pakazali ŭ Hrodnie, a 14-ha — daktaram u Minsku, jak paviedamlaje telehram-kanał «Śviaščenny Biełavud».
Aŭtar novaha biełaruśfilmaŭskaha «šedeŭra» — Alaksandr Jafremaŭ, kiraŭnik teatra-studyi kinaakciora, viadomy svaimi praŭładnymi zajavami i suviaziami ŭ administracyi Łukašenki.
Miarkujučy pa trejlery prajekta, hałoŭny hieroj vyrašaje emihravać u Hiermaniju, ale jaho ŭsialak uhavorvajuć zastacca ŭ Biełarusi.
U kinaprakacie pa ŭsioj Biełarusi «List čakańnia» prabudzie z 18 pa 30 červienia, paśla jaho płanujuć pakazać pa dziaržaŭnych telekanałach.
Prablema adjezdu ź Biełarusi kvalifikavanych miedycynskich kadraŭ paŭstała praz šyrokamaštabnyja represii i saŭdzieł našaj krainy ŭ vajnie Rasii z Ukrainaj. Dla biełaruskich daktaroŭ na radzimie nie vyrašanyja ekzistencyjalnyja prablemy, a pieradusim prablema biaśpieki, i mnohija źjazdžajuć jakraz dziela hetaha. Tamu spadziavacca na toje, što ich ad hetaha kroku buduć spyniać pryhładžanyja ideałahičnyja tvory, nijak nie vypadaje.
Usich zatrymanych miedykaŭ u Navapołacku zvolnili pa artykule za prahuły — «Biełyja chałaty»
Novaje zapryhońvańnie miedykaŭ: ułady mianiajuć praviły ardynatury — z adpracoŭkaj piać hadoŭ i hihanckimi štrafami
«Zaraz rasijskich sałdat užo nie viazuć. Ale sočać za kožnym». Miedyk z Homielščyny raskazaŭ, jak hod tamu ŭ biełaruskich balnicach ratavali rasijskich vajskoŭcaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary