U stalicy chočuć zaćvierdzić Praviły raźmiaščeńnia parkovak dla prakatnych elektrasamakataŭ i inšych srodkaŭ piersanalnaj mabilnaści (SPM). Taksama źbirajucca vyznačyć zony, dzie pavinna być abmiežavanaja chutkaść albo zabaronieny ich ruch. U pryvatnaści, u DAI zajaŭlajuć, što ŭ parkach i skvierach chutkaść šerynhavych samakataŭ aŭtamatyčna budzie padać da 15 km/h. A sačyć za vykanańniem chutkasnaha režymu daručyli kamieram, piša Onliner.by.
— U Minsku jość učastki, na jakich nieabchodnaje źnižeńnie chutkaści ruchu SPM, — heta vulicy ź intensiŭnym rucham piešachodaŭ, vulicy ź niedastatkovaj šyrynioj tratuara, dvarovyja terytoryi z ščylnaj žyłoj zabudovaj, — raniej zajaŭlaŭ namieśnik načalnika Minskaj DAI Dzianis Livanovič.
«Prakatnyja elektrasamakaty ŭ Minsku ŭ parkach i skvierach buduć aŭtamatyčna jechać z chutkaściu nie vyšejšaj za 15 km/h, — udakładniaŭ infarmacyju načalnik staličnaj DAI Siarhiej Babič u efiry «Radyjo-Minsk». — Jość damoŭlenaść ab źnižeńni chutkaści šerynhavych samakataŭ prahramnym sposabam da 25 km/h, jak taho patrabujuć PDR. Na asobnych učastkach z masavym znachodžańniem ludziej (u parkach, skvierach i inšych) chutkaść aŭtamatyčna budzie panižanaja da 15 km/h. Heta značyć, traplajučy ŭ peŭnuju zonu, karystalnik SPM nie zmoža jechać chutčej za 15 km/h».
Padniali i temu kantrolu chutkaści SPM (naprykład, asabistych, niašerynhavych). «Budziem vykarystoŭvać techničnyja srodki vymiareńnia chutkaści biez udziełu inśpiektara», — zajaŭlaŭ Babič.
I voś na dniach źjaviłasia paćviardžeńnie taho, što kamiery chutkaści sočać za rucham elektrasamakataŭ — u pryvatnaści, la ŭvachodu ŭ park Čaluskincaŭ. «Ustalavany prybor, jaki vymiaraje chutkaść rovara abo samakata, — pryvodziać słovy supracoŭnika SZAT «Biaśpiečnyja darohi Biełarusi» ŭ videasiužecie. — U režymie anłajn ja baču parušeńni». Punkt 18.5 PDR abaviazvaje ŭładalnikaŭ SPM ruchacca nie bolš za 25 km/h. Abmiežavańnie ŭ 15 km/h u miescach masavaha znachodžańnia ludziej u Praviłach nie zamacavana, patrabavańnie možna ŭkaranić z dapamohaj znakaŭ.
Taksama paviedamlałasia, što buduć dakładna vyznačanyja pryznačanyja dla parkoŭki samakataŭ miescy. Heta daść mahčymaść zaviaršyć pajezdku na prakatnaj pryładzie tolki ŭ śpiecyjalna adviedzienym miescy, kali takoje majecca pablizu.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary