Piensijaniera Vasila Dziemidoviča buduć sudzić pa piataj kryminałcy, nie skončyŭšy jašče sud i pa čaćviortaj
5 traŭnia nad 71-hadovym Dziemidovičam raspačniecca ŭžo piaty sud — jaho abvinavačvajuć pa art. 369 KK. Praces adbudziecca ŭ Puchavičach, sudździa — Volha Babuk, paviedamlaje «Viasna». Miž tym akurat ciapier idzie čaćviorty sud, jaki jašče nie skončyŭsia.
Spravu piensijaniera Vasila Dziemidoviča pavodle art. 369 KK (abraza pradstaŭnika ŭłady) i art. 391 KK (abraza sudździ) pačali razhladać u Savieckim sudzie Homiela 20 krasavika. Praciah suda adbudziecca 2 traŭnia, a paśla čaćviorty praces pieraciače ŭ piaty.
Raniej Dziemidoviča asudzili da šaści hadoŭ pazbaŭleńnia voli, abvinavaciŭšy jaho ŭ abrazach pradstaŭnika ŭłady, sudździ, Łukašenki i arhanizacyi masavych biesparadkaŭ. Paźniej jamu dadali jašče paŭhoda źniavoleńnia pa novaj spravie. 23 sakavika ŭ sudzie Drahičynskaha rajona nad im adbyŭsia i treci sud, ale vynik jahony dahetul nieviadomy.
U kancy červienia minułaha hoda KDB unios Vasila Dziemidoviča ŭ svoj «terarystyčny śpis», jon samy pažyły fihurant hetaha śpisa.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary