Z červienia bolšaść jeŭrapiejcaŭ spyniać pracu ź Biełaruśsiu pa «Zialonaj karcie»
Biełaruskaje biuro pa transpartnym strachavańni (BBTS) i strachavyja kampanii papiaredžvajuć pra toje, što z 1 červienia 2023 hoda bolš za 30 jeŭrapiejskich krain spyniajuć uzajemaadnosiny ź Biełaruśsiu ŭ mižnarodnaj sistemie strachavańnia hramadzianskaj adkaznaści ŭładalnikaŭ transpartnych srodkaŭ «Zialonaja karta».
Krainy, ź jakimi takija ŭzajemaadnosiny buduć bolš niemahčymyja — usie dziaržavy Jeŭrasajuza, a taksama Isłandyja, Narviehija, Šviejcaryja i Vialikabrytanija.
«U suviazi z hetym damovy strachavańnia «Zialonaja karta» z terytoryjaj dziejańnia hetych krain mohuć zaklučacca pry ŭmovie, što zakančeńnie terminu ich dziejańnia nie pieravyšaje 31 maja 2023 hoda», — havorycca na sajcie BBTS.
Damovy strachavańnia, zaklučanyja na termin, jaki pieravyšaje hetuju datu, buduć aŭtamatyčna spynienyja 31 maja ŭ 23 hadziny 59 chvilin.
«Z 1 červienia ŭładalniki transpartnych srodkaŭ pry pajezdkach za miežy Respubliki Biełaruś pavinny buduć zaklučać damovu pamiežnaha strachavańnia na terytoryi krainy ŭjezdu», — adznačajecca ŭ paviedamleńni.
-
Pa darozie sa Šviecyi ŭ Biełaruś mašyna zhubiła minimum 300 tysiač kiłamietraŭ prabiehu — ciapier jaje pradajuć za $15 tysiač
-
Za paŭhoda pravoŭ pazbavili bolš za 10 tysiač kiroŭcaŭ
-
Biełarus, jaki pastajanna žyvie za miažoj, pryvioz ź ES mašynu i pakinuŭ baćkam. Jaje zabrali i zapatrabavali «poŭnaj razmytnioŭki»
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary