Śviet99

Kitaj choča, kab štučny intelekt adlustroŭvaŭ asnoŭnyja kaštoŭnaści sacyjalizmu

Kamunistyčnaja partyja Kitaja raspracavała novyja praviły rehulavańnia hienieratyŭnych sistem ŠI dla kitajskich anałahaŭ ChatGPT.

Vyjava: vecteezy

Kitajskija čynoŭniki, jak i biełaruskija, nie siadziać biez pracy. Va ŭmovach imklivaha raźvićcia hienieratyŭnych madelaŭ štučnaha intelektu kitajskija ŭłady dali zrazumieć, jak u krainie maje rehulavacca ŠI. U apublikavanym u krasaviku zbory pravił, jaki Google Translate pierakładaje jak «Miery pa kiravańni słužbami hienieratyŭnaha štučnaha intelektu», adznačajecca, što prahramnaje zabieśpiačeńnie «pavinna adlustroŭvać asnoŭnyja kaštoŭnaści sacyjalizmu».

ŠI nie pavinien taksama sprabavać padarvać dziaržaŭnuju ŭładu, zrynuć sacyjalistyčnuju sistemu abo padarvać nacyjanalnaje adzinstva. Prapahanda teraryzmu, ekstremizmu abo etničnaj varožaści taksama zabaronienaja (ničoha nie skazana pra prapahandu ŭsiaho hetaha z boku dziaržavy), a taksama raspaŭsiudžvańnie «iłžyvaj infarmacyi» abo kantentu, jaki moža «parušyć ekanamičny i sacyjalny paradak».

Ułady płanujuć pravieści pravierku biaśpieki hienieratyŭnych servisaŭ ŠI, pierš čym dazvolić ich šyroki zapusk u krainie. Za apošnija niekalki tydniaŭ kitajskija technałahičnyja hihanty pradstavili svaje kankurujučyja pradukty ŠI. Tak Alibaba pradstaviła pradukt pad nazvaj Tongyi Qianwen, a kampanija Baidu zapuściła dla testavańnia Ernie Bot.

U Kitai ŭžo daŭno isnuje asobnaja internet-ekasistema prahram i servisaŭ sa svajoj asobnaj atmaśfieraj. Bolšaść zachodnich pošukavych internet-siervisaŭ i sacyjalnych sietak zabaronienyja ŭ krainie, što dazvalaje kitajskim firmam daminavać u prastory. The Verge raspaviadaje, što kitajskim karystalnikam pryjšłosia źviartacca da VPN, kab atrymać dostup da raspracavanaha ŭ ZŠA ChatGPT, a sproby trecich asob intehravać ŠI ŭ papularny kitajski mesendžar WeChat byli spynienyja.

Aproč hetaha, paviedamlałasia pra abmiežavańni pa palityčnych matyvach u hienieratary malunakaŭ Baidu ERNIE-ViLG, jaki «admaŭlaŭsia» stvarać, naprykład, vyjavy płoščy Ciańańmeń abo partrety palityčnych lidaraŭ, paznačajučy ich jak «kanfidencyjnyja».

Ź inšaha boku, varta adznačyć, što toj ža ChatGPT krytykavali ŭ ZŠA (asabliva pravyja papulisty i radykały) za byccam praźmiernuju libieralnaść. Tak niekatoryja kamientatary interpretavali nakładzienyja kampanijaj-stvaralnikam OpenAI abmiežavańni na zdolnaść ŠI stvarać abraźlivuju havorku ci vykazvańni nianaviści. Krytyka pryviała da zapusku tak zvanych «niepadcenzurnych» alternatyŭ, takich jak FreedomGPT, stvaralniki jakoha śćviardžajuć, što jon nie «zaprahramavany na prasoŭvańnie jakoj-niebudź intelektualnaj prahramy». 

Hladzicie taksama:

Navošta łukašenkaŭcy apraŭdvajuć napad Hitlera na Polšču?

Kamientary9

  • Supovoj pakietik
    25.04.2023
    Socializm i intiellekt - dvie vieŝi niesovmiestnyje. 
  • Hhr
    25.04.2023
    Sto dalaraŭ zarobak kitajski niedaloki intelekt.
  • Polina
    26.04.2023
    Pravilno, ja sčitaju.

Ciapier čytajuć

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Usie naviny →
Usie naviny

Nie mienš za 12 zamiežnych dobraachvotnikaŭ zahinuli padčas lipieńskaha ŭdaru pa vučebnym łahiery va Ukrainie1

Capkała prosić brytanskuju palicyju pravieryć, ci chacieŭ Łatuška spalić Cichanoŭskuju28

«Razabrali budaŭničyja aharodžy za noč»: minčanie 20 hadoŭ zmahajucca za mini-park suprać AZS2

Pieršaje vydańnie «Chobita» pradali za rekordnyja hrošy

75-hadovy dziadula ŭ Miadzielskim rajonie adpraviŭsia na rovary ŭ 30-kiłamietrovy pachod i prapaŭ5

Startap biełarusaŭ, jaki pracuje na Halivud, trapiŭ na ekrany Tajms-skvier1

Mikołu Statkieviču siońnia spoŭniłasia 69 hadoŭ1

Milinkievič: Kali pahladzieć na vopyt inšych krain, najbolšy pośpiech byŭ tam, dzie ŭdałosia sprahnazavać i realizavać dyjałoh27

Kryšcijanu Ranałdu zrabiŭ prapanovu Džardžynie Radryhies3

bolš čytanych navin
bolš łajkanych navin

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Hałoŭnaje
Usie naviny →

Zaŭvaha:

 

 

 

 

Zakryć Paviedamić