Surjoznych źmien niama, kali vy žadajecie adpravić pa miescy prapiski.
Jak budzie prachodzić zaličeńnie dziaciej u pieršyja kłasy ŭ novym navučalnym hodzie, raspaviała ŭ efiry «Radyjo-Minsk» pieršaja namieśnica staršyni Kamiteta pa adukacyi Minharvykankama Ludmiła Barysienka.
«Sioleta pryjom u pieršyja kłasy budzie prachodzić u tradycyjnym farmacie. Surjoznych źmien niama. Za kožnaj ustanovaj adukacyi zamacoŭvajecca mikrarajon. Kali baćki adnosiacca da jaho pa prapiscy — padajuć zajavu na imia dyrektara ŭ pryjomnuju kamisiju škoły abo himnazii z 12 červienia pa 15 žniŭnia.
Kali ž žadajuć adpravić svajo dzicia ŭ navučalnuju ŭstanovu nie pa adrasie pražyvańnia, to pracedura trochi ŭskładniajecca.
Paśla 12 červienia na asabistym pryjomie ŭ kiraŭnika škoły jany pakidajuć zajavu dla pryjomu dziaciej na volnyja miescy. I kali takija jość, to z 16 pa 28 žniŭnia adbyvajecca zaličeńnie dziciaci, — rastłumačyła Barysienka.
Niahledziačy na toje, što ŭ hetym navučalnym hodzie nie buduć uvodzicca ŭ ekspłuatacyju novyja škoły, usim pieršakłaśnikam miescaŭ chopić.
— Kantrolnyja ličby pryjomu ŭ pieršyja kłasy nie farmujucca spantanna. Škoła abo himnazija viadzie ŭlik tych dziaciej, jakija pražyvajuć u zamacavanych mikrarajonach. I ŭ hetyja ličby ŭ cełym pa horadzie my ŭpisvajemsia. Prablem z pryznačeńniem dziaciej u 1-y kłas, viadoma, nie budzie, — skazała Barysienka.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii31
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4343
Kamientary