U Miorach za raspaŭsiudžvańnie «ekstremisckich» materyjałaŭ rabotnika miasakambinata aryštavali na 7 sutak
Sudździa Miorskaha rajona Iryna Jaskievič 4 krasavika pastanaviła za raspaŭsiudžvańnie «ekstremisckich» publikacyj u instahramie aryštavać na 7 sutak Jaŭhiena Buraka, jaki pracuje abvalščykam miasa na miascovym miasakambinacie.

Zhodna z pratakołam, jaki pastupiŭ u sud z adździaleńnia milicyi, Jaŭhien, u asabistym profili, adkrytym dla prahladu 306 padpisčykam, raźmiaściŭ i zachoŭvaŭ z metaj raspaŭsiudžvańnia infarmacyjnuju pradukcyju, uklučanuju ŭ respublikanski śpis ekstremisckich materyjałaŭ, paviedamlaje viciebskaja «Viasna».
U sudovym pasiadžeńni Burak rastłumačyŭ, što nie asprečvaje fakta znachodžańnia ŭkazanaj u pratakole infarmacyjnaj pradukcyi, adnak nazvanuju infarmacyju z metaj raspaŭsiudžvańnia nie zachoŭvaŭ i nie raźmiaščaŭ, a padpisku ažyćciaviŭ u 2020 hodzie, kali hetaja interniet-staronka nie była pryznanaja ekstremisckaj.
Kamientary