Kultura1717

Aršanskija ŭłady admovilisia źmianić ruskamoŭnuju častku miemaryjalnaj doški ŭ honar Uładzimira Karatkieviča

Razmova — pra nadpis na miemaryjalnaj došcy, pryśviečanaj piśmieńniku Uładzimiru Karatkieviču, jakaja była ŭstanoŭlena ŭ listapadzie minułaha hoda na budynku siaredniaj škoły №3 Oršy. Pad adpaviednym zvarotam da ŭład było sabrana bolš za sotniu podpisaŭ, paviedamlaje «Narodnaja Vola».

Padpisanty zvarotu apielavali da artykuła 2 Kodeksa Respubliki Biełaruś ab kultury, zhodna ź jakim «hramadskija adnosiny ŭ śfiery kultury hruntujucca na asnovie pryncypu pryjarytetu razvićcia biełaruskaj nacyjanalnaj kultury i pryznańnia biełaruskaj movy adnym z faktaraŭ farmiravańnia nacyjanalnaha mientalitetu»; a taksama artykuła 8, zhodna ź jakim «napramkami dziaržaŭnaj palityki ŭ śfiery kultury źjaŭlajucca zachavańnie, razvićcio, raspaŭsiudžvańnie i (abo) papularyzacyja biełaruskaj nacyjanalnaj kultury i movy».

«Uličvajučy nieacenny ŭkład vialikaha biełaruskaha piśmieńnika ŭ raźvićcio biełaruskaj movy i kultury, a taksama biełaruskaje zakanadaŭstva, prosim zamianić movu miemaryjalnaj doški na biełaruskuju — movu piśmieńnika», — havaryłasia ŭ zvarocie nieabyjakavych žycharoŭ Viciebskaha rehijona.

Adnak aršanskija ŭłady hetych arhumientaŭ nie pačuli.

Čynoŭniki spasyłajucca na toje, što pamiatnaja doška składajecca ź dźviuch častak. Na adnoj raźmieščany partret piśmieńnika i tłumačalny nadpis pra jaho na ruskaj movie. Druhaja častka — uryvak ź vierša Uładzimira Karatkieviča «U dniaproŭskich chvalach, by ŭ kałyscy…» na biełaruskaj movie.

Kažuć, heta zroblena naŭmysna, bo Karatkievič pisaŭ svaje tvory jak na ruskaj, tak i na biełaruskaj movach.

«U hady studenctva z 1949 pa 1954 hod (fiłałahičny fakultet Kijeŭskaha dziaržaŭnaha ŭniviersiteta imia T. Šaŭčenki) piśmieńnikam byli napisany tvory na ruskaj movie (apovieść «Priedystorija», apaviadańni «Skripka pojot», «Klon», «Ruki» i inšyja, vierš «Tut budiet kanał»). Paśla zakančeńnia ŭniviersiteta z 1954-ha pa 1958 hod Karatkievič vykładaŭ ruskuju movu i litaraturu», — padmacavali vykankamaŭcy svaju pazicyju faktami ź bijahrafii piśmieńnika.

Jašče adnym arhumientam stała toje, što adukacyjny praces u dziaržaŭnaj ustanovie adukacyi «Siaredniaja škoła № 3 h. Orša imia U. Karatkieviča» ažyćciaŭlajecca na ruskaj movie.

Tak jak, zhodna z artykułam 17 Kanstytucyi Respubliki Biełaruś, dziaržaŭnymi movami ŭ Respublicy Biełaruś źjaŭlajucca biełaruskaja i ruskaja movy, na dumku namieśnika staršyni Aršanskaha rajvykankama Uładzimira Kałačova, «zamiena doški na budynku ŭstanovy adukacyi niemetazhodnaja».

Kamientary17

  • Pcič
    10.03.2023
    T.Ščytcova, V.Mažejka, ŭsio narmalna, praŭda, biez hvałtu..?
  • Hryška
    10.03.2023
    Hańba aršanskim uładam. Słava padpisantam zvarotu. Ichnaja inicyjatyva pakazvaje biełaruskuju samapavahu j patryjatyzm.
  • Ničieho udivitielnoho
    10.03.2023
    Okkupacionnaja, russkaja vłasť nikohda nie pozvolit, čtoby u biełarusov było svojo, biełaruskoje...

Ciapier čytajuć

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Usie naviny →
Usie naviny

Hałoŭny trenier «Niomana»: Karajevu dziakuj, a pi***sam, jakija zasmucilisia, pryvitańnie! Niachaj vypjuć za nas i padaviacca!12

Aŭtobus z Vilni ŭ Minsk nie prapuścili praź miažu, pasažyry dabiralisia sami 

Były vice-premjer Rusy nazvaŭ Alasku ruskaj ziamloj18

Samit na Alascy: pazityŭny, niehatyŭny i inšyja scenary dla Ukrainy7

Siaredniaja cana mietra ŭ Minsku — 1754 dalary

Jak śpiecsłužby ZŠA rychtujuć sustreču Trampa i Pucina na Alascy1

Minčuk nie vieryŭ, što maci nie moža chadzić, i žorstka zabiŭ jaje. Rodnyja raniej užo vyklikali na jaho milicyju2

Palitźniavolenaja madel Vieranika Žałuboŭskaja vyjšła na svabodu

Paśpiachovaja top-madel žyvie ŭ biełaruskaj vioscy — z hanararaŭ ad Dior i Versace kupiła baćkam karovu8

bolš čytanych navin
bolš łajkanych navin

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić