Źjaviłasia videa z rasstrełam vajskoŭca, jaki kaža «Słava Ukrainie». Što pra heta viadoma?
Učora ŭ siecivie stała raspaŭsiudžvacca videa, na jakim rasstrelvajuć biazzbrojnaha čałavieka ŭ formie USU za voklič «Słava Ukrainie». Vajskoviec padaje, hołas za kadram praciahvaje łajacca.
Dzie i kali zrobleny zapis, nieviadoma. Asoba mierkavanaha zahinułaha — taksama. Va ŭkrainskich ŚMI źjaviłasia viersija, što na videa — vajskoviec 72 bryhady «Čornych Zaparožcaŭ» z pazyŭnym «Mahnit», adnak žurnalist Juryj Butusaŭ abvierh heta.
Rasijskija Z-pabliki vykazvajuć roznyja viersii — ad poŭnaj pastanoŭki da rasstrełu rasijskaha pałonnaha, pieraapranutaha ŭ formu USU.
Kanał «Grey Zone» (jaho źviazvajuć z PVK «Vahnier») piša, što ničoha dziŭnaha ŭ kadrach niama: «U nas skłałasia pakaleńnie kantent-vajaroŭ. Kožny choča vyznačycca pryhožaj fota ci videa z vajny. Kab pasłać dadomu pa WhatsApp pacanam abo ŭ vajskovuju čaść».
Na videa adreahavali ŭkrainskija aficyjnyja asoby.
«Siońnia zjaviłasia videa, jak akupanty pa-źviarynamu zabili voina, jaki śmieła skazaŭ im u vočy: «Słava Ukrainie!». Chaču, kab my ŭsie razam adkazali na jaho słovy: «Hieroju słava! Hierojam słava! Ukrainie słava!». I my znojdziem zabojcaŭ», — zajaviŭ u viečarovym zvarocie Uładzimir Zialenski ŭviečary 6 sakavika.
Hienprakuratura Ukrainy raspačała kryminalnuju spravu ab parušeńni zakonaŭ i zvyčajaŭ vajny. Ministr zamiežnych spraŭ Ukrainy Dźmitryj Kuleba źviarnuŭsia da prakurora Mižnarodnaha kryminalnaha suda Karyma Chana i zapatrabavaŭ pravieści rasśledavańnie.
— Vołodimir Zielenśkij (@ZelenskyyUa) March 6, 2023
Rasijskija ŭłady pakul nie kamientavali videa. Aficyjnyja prakramloŭskija ŚMI taksama maŭčać.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła7
Kamientary
Nu kto,kto—lubitiel bałałajek s portiankami,sriedi biełarusov jesť i takije. Točnieje,sriedi t.n. «biełarusov»,po suti—marhinałov,viečno smotriaŝich v rot moskvie.
Artist,hovoriš...ty vidieł,čto s jeho hołovoj v koncie proischodit?
Mnoho choziajeva otśluniavili?