Jeŭrasajuz adchiliŭ isk «Biełaeranavihacyi», u jakim pradpryjemstva patrabavała admieny abmiežavalnych mier, uviedzienych z-za pasadki borta Ryanair z Ramanam Pratasievičam i Safijaj Sapiehaj na borcie ŭ mai 2021 hoda.
Sud ahulnaj jurysdykcyi Jeŭrapiejskaha sajuza razhledzieŭ i adchiliŭ isk «Biełaeranavihacyi» ab admienie abmiežavalnych zachadaŭ suprać pradpryjemstva. Rašeńnie pa isku (sprava t-536/21 «Biełaeranavihacyja» suprać Rady Jeŭrasajuza») było vyniesiena ŭ sieradu, 15 lutaha.
Adchilajučy isk «Biełaeranavihacyi», sud ahulnaj jurysdykcyi ES zaśviedčyŭ, što pryniaćcie i zachavańnie abmiežavalnych mier u dačynieńni da zajaŭnika było apraŭdanym. Pry hetym sudu spatrebiłasia ŭpieršyniu tłumačyć paniaćcie «asoba, adkaznaja za represii», u kantekście abmiežavalnych mier, pryniatych z ulikam situacyi ŭ Biełarusi, adznačajecca ŭ sudovym rašeńni.
«Biełaeranavihacyja» — biełaruskaje dziaržaŭnaje pradpryjemstva, adkaznaje za rehulavańnie pavietranaj prastory i zabieśpiačeńnie pavietranaha ruchu ŭ Biełarusi. U 2021—2022 hadach pradpryjemstva spačatku ŭklučyli, a zatym pakinuli ŭ śpisach asob i arhanizacyj, u dačynieńni da jakich ES uvioŭ sankcyi na toj padstavie, što samalot Ryanair byŭ prymusova pasadžany ŭ Minsku biez uvažlivych pryčyn, a kirujučysia palityčnymi mierkavańniami.
Kamientary