Еўрасаюз адхіліў іск «Белаэранавігацыі», у якім прадпрыемства патрабавала адмены абмежавальных мер, уведзеных з-за пасадкі борта Ryanair з Раманам Пратасевічам і Сафіяй Сапегай на борце ў маі 2021 года.
Суд агульнай юрысдыкцыі Еўрапейскага саюза разгледзеў і адхіліў іск «Белаэранавігацыі» аб адмене абмежавальных захадаў супраць прадпрыемства. Рашэнне па іску (справа т-536/21 «Белаэранавігацыя» супраць Рады Еўрасаюза») было вынесена ў сераду, 15 лютага.
Адхіляючы іск «Белаэранавігацыі», суд агульнай юрысдыкцыі ЕС засведчыў, што прыняцце і захаванне абмежавальных мер у дачыненні да заяўніка было апраўданым. Пры гэтым суду спатрэбілася ўпершыню тлумачыць паняцце «асоба, адказная за рэпрэсіі», у кантэксце абмежавальных мер, прынятых з улікам сітуацыі ў Беларусі, адзначаецца ў судовым рашэнні.
«Белаэранавігацыя» — беларускае дзяржаўнае прадпрыемства, адказнае за рэгуляванне паветранай прасторы і забеспячэнне паветранага руху ў Беларусі. У 2021—2022 гадах прадпрыемства спачатку ўключылі, а затым пакінулі ў спісах асоб і арганізацый, у дачыненні да якіх ЕС увёў санкцыі на той падставе, што самалёт Ryanair быў прымусова пасаджаны ў Мінску без уважлівых прычын, а кіруючыся палітычнымі меркаваннямі.
Чытайце таксама:
«Непрыгожа, непрыстойна, некарэктна». У «Белаэранавігацыі» пракаментавалі абвінавачванне ў авіяпірацтве
Беларускія кампаніі падалі пазовы да Рады ЕС, каб іх выключылі з санкцыйных спісаў
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы38
Каментары