Administrataru supołki «Za adzinuju dziaržaŭnuju movu ŭ Biełarusi» dali try hady kałonii
U Homielskim abłasnym sudzie 13 lutaha da troch hadoŭ kałonii va ŭmovach uzmocnienaha režymu asudzili navukovaha supracoŭnika Uładzimira Bućkaŭca.
Jaho abvinavacili ŭ administravańni supołki va ŭkantakcie «Za adzinuju dziaržaŭnuju movu ŭ Biełarusi!» i asudzili pavodle č. 1 art. 361-1 (stvareńnie ekstremisckaha farmavańnia), piša «Homielskaja viasna». Prysud vynies sudździa Rusłan Caruk.
Uładzimira Bućkaŭca zatrymali 5 vieraśnia 2022 hoda i pryznačyli siem sutak aryštu pavodle art. 19.11 KaAP za «raspaŭsiudžvańnie ekstremisckich materyjałaŭ». 14 vieraśnia na adnym z praŭładnych telehram-kanałaŭ źjaviłasia videa, na jakim bačna, jak milicyjanty z prymianieńniem siły zatrymlivajuć mužčynu, a dalej jon pryznajecca, što maderavaŭ i vystaŭlaŭ naviny pra biełaruskuju movu ŭ pabliku, jaki niadaŭna abviaścili «ekstremisckim farmavańniem».
5 žniŭnia infarmacyjnuju pradukcyju supołki «Za adzinuju dziaržaŭnuju movu Biełarusi!» pryznali «ekstremisckimi materyjałami», 18 žniŭnia — «ekstremisckim farmavańniem».
Što viadoma pra Uładzimira?
U lutym 2021 hodzie Uładzimir Bućkaviec źviartaŭsia ŭ Śledčy kamitet Homiela z prośbaj dapytać jaho ŭ jakaści śviedki pa spravie pravaabaroncy Leanida Sudalenki, da jakoha jon nieadnarazova źviartaŭsia pa pravavuju dapamohu. Hetaje žadańnie ŭ jaho ŭźnikła paśla taho, jak Uładzimiru admovili ŭ chadajnictvie ŭ SK, kab pravaabaroncu adpuścili da suda dadomu pad jaho asabistaje paručalnictva. U SK Bućkaŭcu adkazali, što jon nie ŭdzielnik pracesu i nie moža ni pra što chadajničać.
Letam 2022 hoda Uładzimir byŭ zvolnieny z pracy jak «palityčna niadobranadziejny». Jon sprabavaŭ adstojvać svaju pazicyju ŭ miežach zakanadaŭstva, składaŭ šmatlikija zvaroty i skarhi, ale biezvynikova.
Padtrymać Uładzimira možna listami, pasyłkami i hrašovymi pieravodami pa adrasie: SIZA-3, vuł. Knižnaja, 1A, h. Homiel, 246003, Bućkaviec Uładzimir Vasiljevič.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary