Kiraŭnik Administracyi Łukašenki prapanavaŭ pakazać u škołach film z udziełam samoha Łukašenki
Kiraŭnik Administracyi Łukašenki Ihar Sierhiejenka miarkuje, što piedahohi ŭ rehijonach pavinny padymać pytańnie niedachopu dakumientalnych filmaŭ histaryčnaj tematyki dla ich demanstracyi školnikam, piša BiełTA.
Ihar Sierhiejenka pryvioŭ u prykład film «Ržeŭ. 500 dzion u ahni». «Kali jon zabłakavany ŭ internecie, to jaho ž možna pakazać, sabraŭšy školnikaŭ u adnoj zale. Prašu na heta źviarnuć uvahu. Kali hetaja tema nazyvałasia, było takoje pažadańnie — treba jaho realizavać. Kali patrebna niejkaja dapamoha z boku Ministerstva kultury, «Biełaruśfilma» — dapamoha budzie akazana», — skazaŭ kiraŭnik Administracyi.
Film «Ržeŭ. 500 dzion u ahni» raspaviadaje pra bitvu pad Rževam u hady Druhoj suśvietnaj vajny. Jon uklučaje kadry adkryćcia manumienta z udziełam Alaksandra Łukašenki i Uładzimira Pucina. Film ciapier dastupny na YouTube. Adnak da jaho abmiežavany dostup, jon dastupny dla karystalnikaŭ starejšych za 18 hadoŭ praz najaŭnaść u im kadraŭ chroniki z vyjavami miortvych ciełaŭ. Razam z tym, ciapier film raźmieščany jašče ŭ niekalkich ulikovych zapisach, dzie takoha abmiežavańnia niama, zaŭvažyŭ Reform.by.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič66
Kamientary