Alaksiej Daniłaŭ pra pucinskaje «pieramirje»: My vas budziem hryźci ŭ śpiavajučaj cišyni ŭkrainskaj nočy
Ukraincy prapanovu Pucina ab kaladnym «pieramirji» adchilili, prytym zrabili heta ŭ padkreślena hrubym tonie. Spačatku daradca Ofisa prezidenta Ukrainy Michaił Padalak nazvaŭ jaje kryvadušnaj, a paśla sakratar Rady nacyjanalnaj biaśpieki i abarony Ukrainy Alaksiej Daniłaŭ vykazaŭsia jašče bolš rezka.
«Jakoje dačynieńnie da chryścijanskaha śviata Rastva maje zhraja drobnych kramloŭskich čarciej-iblisaŭ? Chto pavieryć brydocie, jakaja zabivaje dziaciej, abstrelvaje radzilni, katuje pałonnych? Režym spynieńnia ahniu? Chłuśnia i kryvadušnaść. My vas budziem hryźci ŭ śpiavajučaj cišyni ŭkrainskaj nočy», — napisaŭ Daniłaŭ u tvitary.
Zamiežnych partnioraŭ Ukrainy prapanova taksama nie ŭraziła. Prezident Džo Bajden prakamientavaŭ prapanovu Kramla Ukrainie ab 36-hadzinnym spynieńni ahniu ŭ suviazi z Kaladami.
Vystupiŭšy siońnia z pramovaj ab situacyi na miažy ź Mieksikaj i prablemach mihracyi, Bajden pahadziŭsia adkazać na pytańni žurnalistaŭ. Adzin ź ich paprasiŭ kiraŭnika Biełaha doma prakamientavać prapanovu Pucina.
«Ja dumaju, jon sprabuje atrymać pieradyšku», — skazaŭ Bajden.
Strymana adreahavaŭ i hienieralny sakratar AAN Antoniu Huteryš. Jon skazaŭ, što ŭvohule vitaŭ by luboje pieramirje na Kalady, ale «pomniačy pry hetym, što jano nie moža zamianić prosta mir u adpaviednaści sa statutam AAN i mižnarodnym pravam».
Raniej Kreml zajaviŭ pra addadzieny Pucinym zahad ab spynieńni ahniu pa ŭsioj linii bajavoha sudakranańnia bakoŭ va Ukrainie ŭ pieryjad śviatkavańnia pravasłaŭnaha Rastva z 12 hadzin dnia ŭ piatnicu. Hety zahad rezka asudzili navat rasijskija «vajenkary», u niekatorych ź ich pajšli navat adkrytyja abrazy na adras kramloŭskaha kiraŭnictva.
Čytajcie taksama:
U Zialenskaha nazvali kryvadušnym zahad Pucina ab «kaladnym pieramirji»
«Vy tam …anuliś …iadi …anyje kriemlevskije?» Rasijskich błohieraŭ i vajenkaraŭ parvała ad naviny pra pieramirje
Pačałasia «baraćba za mir»: Pucin daručyŭ Šajhu spynić ahoń na Kalady
Patryjarch Kirył prosić pra kaladnaje pieramirje na paŭtara dnia
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Žyvie Biełaruś!