Ministerstva antymanapolnaha rehulavańnia i handlu znoŭ damoviłasia z pradstaŭnikami bujnych biełaruskich handlovych sietak ab nadańni sacyjalnych źnižak niekatorym katehoryjam pakupnikoŭ. Pra heta sa spasyłkaj na kiraŭnika MARH Alaksieja Bahdanava paviedamlaje BiełTA.
Heta ŭžo druhoje pradaŭžeńnie damoŭlenaści ab nadańni sacyjalna nieabaronienym hrupam nasielnictva dadatkovaj źnižki ŭ pamiery 10% na šerah tavaraŭ. Ciapier jano budzie dziejničać da sakavika 2023 hoda.
Pa słovach ministra, prahrama sacyjalnych źnižak karystałasia vialikaj papularnaściu: u kramach vydali zvyš 1,5 młn źnižkavych kartak, pačynajučy sa studzienia biełarusy sukupna zmahli aščadzić kala 21 młn rubloŭ.
Udzielniki prahramy (14 handlovych sietak), a taksama tavary, jakija traplajuć pad źnižki, zastajucca raniejšymi.
Upieršyniu prahramu sacyjalnych źnižak zapuścili 17 studzienia 2022 hoda. Źnižka ŭ pamiery 10% dajecca piensijanieram, invalidam, šmatdzietnym siemjam i małazabiaśpiečanym ludziam. Ź joj možna kupić tańniej, naprykład, chleb, muku, aŭsianyja šmatki, makaronu, jałavičynu, śvininu, kurynaje miasa, małako, a taksama niekatoruju harodninu i sadavinu.
Uletku ŭłady kazali, što źnižka, mahčyma, budzie pavialičanaja z 10 da 15%, ale pakul usio zastajecca pa-raniejšamu.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary