«SAS: nieviadomyja hieroi»: badziorańki sieryjał pra vajnu, mužčyn, žančyn i parašuty
Śpiecyjalnaja avijacyjnaja słužba — znanaje padraździaleńnie brytanskaj armii, jakoje stała ŭzoram dla arhanizacyi siłaŭ śpiecapieracyj šmat u jakich krainach. Kanał VVS prezientavaŭ sieryjał pra toje, jak paŭstavała SAS.
Kali čytaješ nazvu — «SAS: nieviadomyja hieroi» (SAS: Rogue Heroes) — možna padumać, što heta budzie dakumientałka na histaryčnym kanale. Ale heta nie dakumientałka, a vialikaja drama pra stvareńnie sił śpiecpryznačeńnia ŭ 1941 hodzie. Daścipnaja, žvavaja, upeŭnienaja ŭ sabie i časam vielmi žorstkaja, papiaredžvaje Guardian.
U stužcy mnohaje kłasična — ad muzyki, stylizavanaj pad tuju epochu, da śćviardžeńnia, što sieryjał zasnavany na praŭdzivych padziejach. Scenaryst karciny Bił Najt kazaŭ žurnalistam, što jamu daviałosia zhładzić niekatoryja vuhły, kab hledačam było lahčej pavieryć u historyju.
A hetaja historyja i praŭda moža padacca absurdnaj. Pačynajecca jana z kałony hruzavikoŭ, što sprabujuć prabicca z Kaira ŭ stratehična važny partovy horad Tobruk. Potym vam chutka raskažuć pra stanovišča ŭ Druhoj suśvietnaj vajnie na toj momant — heta byŭ momant, kali zdavałasia, što kali Brytanija i sajuźniki nie źmieniać taktyki zmahańnia suprać fašystaŭ, ich čakajuć parazy.
My čujem łajanku, bačym elektrahitary i pačynajem zdahadvacca, što pierad nami — nie kłasičnaja pryhładžanaja vajennaja drama. Hetaje pačućcio tolki ŭzmacniajecca, kali my znajomimsia z hierojami bližej. Zdajecca, dyscyplina z armii pavinna mieć vialikaje značeńnie, ale hieroj moža raźbić hałavu staršaha aficera ab rajal, kali toj pierapyniaje jaho partyju ŭ šachmaty, i jaho pry hetym nie pakarajuć.
Nieviadomyja hieroi z SAS dziorzkija, bo vajna daje mahčymaść być dziorzkim. Jak kaža ŭ svajoj sieryjalnaj pramovie Devid Styrlinh, zasnavalnik SAS, vajna dała im svabodu pavodzić siabie jak «źviary. A my i jość źviarami».
Fašysty nastupajuć na poŭnačy Afryki, i adnamu z hierojaŭ prychodzić ideja. Što kali stvaryć parašutny połk i atakavać nacysckija kanvoi z pustyni, a nie z mora?
Jość tut i žančyna — Jeva, aficer francuzskaj raźviedki ŭ čyrvonaj sukiency z čyrvonaj pamadaj i cyharetaj, jakaja hatovaja adpraŭlać mužčyn na viernuju śmierć.
Jość i intryhi.
Biła Najta, scenarysta «SAS: nieviadomych hierojaŭ», viedajuć pa «Vostrych kazyrkach», dla jakich jon taksama pisaŭ scenaryj. Vajennaja drama ad Najta atrymałasia viesialejšaj, chacia i ŭ niečym padobnaj da sieryjała-papiarednika. Badziorańki sieryjał na vychadnyja.
Rejtynhi na vialikich suśvietnych resursach:
IMDB — 8,2/10
Rotten Tomatoes — 100% (krytyki), 89% (hledačy)
Čytajcie taksama:
Carbon — film, pra jaki havoryć usia Małdova. Horkaja (i svoječasovaja) kamiedyja pra vajnu ŭ Prydniastroŭi
«Try sasny» (Three Pines) — novy detektyŭny sieryjał pra kanadskuju hłybinku
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary