Jakaść mužčynskaj śpiermy katastrafična padaje va ŭsim śviecie — novaje daśledavańnie
Za paŭstahodździa kolkaść śpiermatazoidaŭ u mužčynskim siemieni pamienšała ŭ siarednim na 62%. Taki vynik atrymaŭ mižnarodny kalektyŭ navukoŭcaŭ ź Izraila, ZŠA, Danii, Ispanii i Brazilii. Pryčym upieršyniu daśledavańnie achoplivała Afryku, Aziju i Paŭdniovuju Amieryku: tam tyja samyja tendencyi.
Vialikaja kamanda vučonych na čale z prafiesaram Chahai Levinym ź Jaŭrejskaha ŭniviersiteta Ijerusalima zafiksavała, što za apošnija hady padzieńnie jakaści mužčynskaha siemieni tolki paskoryłasia. Pryčym heta charakterna i dla nasielnictva Afryki, Azii i Paŭdniovaj Amieryki, jakija ŭpieršyniu byli achoplenyja takim daśledavańniem.
Vyniki siamihadovaj pracy byli apublikavanyja ŭ časopisie Human Reproduction Update.
Z 1973 hoda kolkaść śpiermatazoidaŭ u śpiermie pamienšała ŭ siarednim na 62%. Heta adbyłosia jak za košt źmianšeńnia abjomu ejakulatu, tak i kancentracyi śpiermatazoidaŭ, jakaja źmienšyłasia na 52%.
Temp padzieńnia paskoryŭsia i dasiahaje ciapier 2,5% za hod.
Daśledčyki hruntavalisia na analizie recenzavanych navukovych publikacyj sa statystykaj na hetuju temu.
Tym nie mienš, siaredniaja kancentracyja śpiermy ŭ mužčyn — jana ŭpała sa 101 miljona na mililitr da 49 miljonaŭ na mililitr — usio jašče našmat vyšejšaja za minimalnuju normu, jakoj ličycca 15 miljonaŭ na mililitr, pry jakoj apładnieńnie jajcakletki ŭskładnienaje.
Dakładnaja pryčyna źnižeńnia pładavitaści mužčynskaj papulacyi nie vyznačanaja. Niekatoryja daśledčyki źviazvajuć jaje z tym, što dziakujučy raźvićciu miedycyny i ŭzroŭniu žyćcia ciapier vyžyvajuć fizijałahična bolš słabyja indyvidy, jakija ŭ minułyja stahodździ pamirali ŭ dziacinstvie. Mnohija źviazvajuć padzieńnie fiertylnaści mužčyn z zabrudžvańniem atmaśfiery, vady i praduktaŭ niekatorymi chimikatami, siarod jakich ftałaty, jakija vydzialaje pry raspadzie płastyk, i piestycydy. Ličycca, što niehatyŭny ŭpłyŭ akazvaje taksama raspaŭsiudžvańnie siadziačaha ładu žyćcia, atłuścieńnia i kureńnia.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary
A priroda, ona hibkaja, ko vsiemu prisposablivajetsia.