U apošnija miesiacy žyćcia brytanskaja karaleva Lizavieta II zmahałasia z množnaj mijełomaj, dla jakoj charakterna paražeńnie kaściavoha mozhu, paviedamiła hazieta Independent sa spasyłkaj na novuju knihu televiadučaha, piśmieńnika i siabra taksama ŭžo pamierłaha muža karalevy Hajłsa Brandreta.
«Ja čuŭ, što ŭ karalevy była niejkaja forma mijełomy — raku kaściavoha mozhu — što patłumačyła b jaje stomlenaść, stratu vahi i «prablemy ź pieramiaščeńniem», pra jakija nam časta kazali prykładna na praciahu apošniaha hoda jaje žyćcia», —
napisaŭ Brandret u svajoj novaj bijahrafičnaj knizie «Lizavieta: intymny partret».
Dla hetaha zachvorvańnia charakterna paražeńnie kaściavoha mozhu. Najbolš častyja simptomy — bol u kaściach, asabliva ŭ tazie i pajaśnicy.
Lizavieta II pamierła ŭ zamku Bałmarał u Šatłandyi va ŭzroście 96 hadoŭ. Jana znachodziłasia na tronie daŭžej za ŭsich u brytanskaj historyi — 70 hadoŭ i 7 miesiacaŭ.
Kamientary