Kavidnyja pratesty ŭ Kitai: žychary Urumčy praviali demanstracyju paśla pažaru ŭ šmatpaviarchoviku
U kitajskich sacsietkach źjavilisia videa novych masavych pratestaŭ suprać žorstkich abmiežavańniaŭ u horadzie Urumčy Sińczian-Ujhurskaha aŭtanomnaha rajona. Paviedamlajecca, što demanstracyi ŭspychnuli paśla pažaru ŭ šmatpaviarchovym žyłym domie, u vyniku jakoha zahinuli 10 čałaviek, piša Bi-bi-si.
Na kadrach vidać, jak miascovyja žychary, mnohija ź jakich u maskach, paśla nastupleńnia ciemry źbirajucca na vulicach horada. Paśla hetaha pačynajecca supraćstajańnie z pradstaŭnikami ŭładaŭ, ludzi skandujuć: «Kaniec kavidnamu łakdaŭnu!» U inšym roliku natoŭp praryvajecca praz barjer, jaki ŭtrymlivajuć supracoŭniki haradskich słužbaŭ u achoŭnym ryštunku.
Ahienctva Reuters paćvierdziła łakacyju miesca, dzie prachodziła demanstracyja. Strymy ź miesca, jakija Bi-bi-si adsočvała ŭ piatnicu ŭviečary, taksama pakazvali pratestoŭcaŭ, jakija sabralisia kala budynka haradskoj administracyi.
A rare but powerful protest against tyranny in Urumqi brought communities of the different races together. pic.twitter.com/UTXA7NOkZe
«Nulavy kavid»
Aficyjny Piekin praciahvaje pravodzić palityku «nulavoha kavidu». Adnak kolkaść zaražeńniaŭ praciahvaje raści, miascovyja žychary ŭsio čaściej vykazvajuć niezadavolenaść u suviazi z łakdaŭnami.
U toj čas jak inšyja krainy zrabili staŭku na vakcynacyju i na toje, kab navučycca žyć ź virusam, Kitaj pajšoŭ šlacham poŭnaha padaŭleńnia kožnaj nastupnaj uspyški i žorstkich abmiežavańniaŭ, kali navat z-za adzinkavych vypadkaŭ ułady adpraŭlajuć u łakdaŭn cełyja harady.
Stalica Sińczian-Ujhurskaj aŭtanomnaj akruhi Urumčy znachodzicca ŭ łakdaunie z pačatku žniŭnia. Raniej adzin z žycharoŭ paviedamiŭ Bi-bi-si, što žycharam kompleksu, dzie zdaryŭsia pažar, było zabaroniena pakidać svaje damy.
Ułady Urumčy śćviardžajuć, što kavidnyja abmiežavańni nie pieraškadžali ludziam vyratavacca ad pažaru, i navat pajšli na niezvyčajny krok — prynieśli prabačeńni, paabiacaŭšy pakarać usich, chto nie vykanaŭ svoj abaviazak.
Internet u Kitai žorstka cenzurujuć, i ŭžo da ranicy suboty praktyčna ŭsie zhadki pra pratesty va Urumčy byli vydalenyja z sacsietak.
Mnohija ŚMI paviedamlali, što pažar va Urumčy ŭ čaćvier, u jakim zahinuli ludzi, vidać, byŭ vyklikany niaspraŭnaściu ŭ elektrapravodcy, a kavidnyja abmiežavańni pieraškadžali tušeńniu ahniu.
Pozna ŭviečary ŭ piatnicu haradskija ŭłady heta abvierhli, zajaviŭšy, što ŭ prablemach z tušeńniem byli vinavatyja pryparkavanyja la doma aŭtamabili — jany nibyta pieraškadžali dostupu pažarnych mašyn da pałajučaha budynka.
Pratesty ŭ Kitai zdarajucca redka, choć hramadskaja niezadavolenaść palitykaj Piekina pa baraćbie z karanavirusam raście.
Palityka «nulavoha kavidu» tłumačycca nizkim uzroŭniem vakcynacyi i namahańniami ŭładaŭ pa abaronie pažyłych ludziej.
Ale hetaja palityka pracuje nie zanadta efiektyŭna — u sieradu ŭ Kitai było zarehistravana 31 444 novyja vypadki zaražeńnia karanavirusam. Heta absalutny rekord — navat bolš, čym padčas papiaredniaha piku ŭ krasaviku. Tady kitajskim uładam pryjšłosia całkam zakryć na karancin Šanchaj, i dva miesiacy 25-miljonny horad faktyčna pravioŭ u poŭnaj izalacyi.
Zaraz ab uspyškach zachvorvańnia paviedamlajuć ułady 31 pravincyi, na terytoryi jakich znachodzicca i niekalki vielizarnych miehapolisaŭ. U ich liku — i staličny Piekin (bolš za 22 młn žycharoŭ), i Huančžou — bujny handlovy horad na poŭdni krainy (18,5 młn), i niekalki inšych.
-
U ZŠA aryštavali śpiecnazaŭca, jaki zarabiŭ 400 tysiač dalaraŭ na staŭcy, što aryštujuć Madura
-
«Navošta heta mnie?» Tramp vyklučyŭ jadzierny ŭdar pa Iranie i abviaściŭ ab padaŭžeńni pieramirja pamiž Izrailem i Livanam
-
Na Vieniecyjanskim bijenale vyrašyli sioleta znoŭ adkryć rasijski paviljon. Jeŭrasajuz pahražaje adklikać finansavańnie
Ciapier čytajuć
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary