«Słava tabie, boža!» Łukašenka prakamientavaŭ sychod MakDonaldsa ź Biełarusi
Na jaho dumku, miesca MakDonaldsa pavinny zaniać biełaruskija pradpryjemstvy i brendy. Pra heta Łukašenka zajaviŭ, vystupajučy siońnia pierad rabotnikami APK.
«Ja zaŭsiody zaklikaju vas: ješcie, spažyvajcie svajo, nie kidajciesia na zamorskaje. Heta siońnia aktualna hučyć u płanie taho, što niekatoryja, asabliva siarod moładzi (dy i, napeŭna, siaredniaha ŭzrostu, a moža, i starejšaha), stali achać i vochkać: «Ach, «MakDonalds» sychodzić». Ja dumaju: «Słava tabie, boža, što choć sychodzić!» Ale tolki miesca «Makdonaldsa», dzie pracujuć našy ludzi, našy śpiecyjalisty, dzie spažyvajecca naš tavar, pavinny zaniać biełarusy», — padkreśliŭ Alaksandr Łukašenka.
«Raman Alaksandravič, biełarusy! Zapomnicie, nichto inšy, — źviarnuŭ uvahu premjer-ministra. — My sami pavinny rabić toje, što kaliści rabiŭ hety «MakDonalds», kali kamuści heta treba, i navat lepš. U nas što, bułačku napałovu nie mohuć razrezać i ŭpichnuć u hetyja dźvie pałovy kavałačak miasa, bulby i sałatu? Hospadzie, chto heta spažyvaje, nie viedaju».
Jak paviedamlałasia, miesca «MakDonaldsa» z 22 listapada zojmie brend «Vkusno i točka».
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt3
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary