Zranku kala budynku sudu Centralnaha rajonu Miensku na vulicy Bahdanoviča sabrałasia niekalki dziasiatkaŭ čałaviek. Siarod ich – svajaki aryštavanych aktyvistaŭ «Partnerstva», a taksama pradstaŭniki moładzievaha demakratyčnaha ruchu j apazycyjnych partyj. Maci Mikoły Astrejki pryjšła zadoŭha da pačatku sudu. Jaŭhienija Astrejka bačyła, jak z «aŭtazaku» vyvodzili jejnaha syna ź siabrami. Jana zapeŭniła «Svabodu», što budzie prychodzić na kožnaje sudovaje pasiedžańnie j zastavacca tut, pakul jano nia skončycca.
U sudzie Centralnaha rajonu Miensku adnaviŭsia sud nad aktyvistami niezarehistravanaj arhanizacyi «Partnerstva». Eniru Branickuju, Mikołu Astrejku, Alaksandra Šałajku j Cimafieja Drančuka abvinavačvajuć u kiravańni arhanizacyjaj, jakaja parušaje pravy i intaresy hramadzianaŭ. Ad 21 lutaha apazycyjaneraŭ trymajuć pad vartaj. Sud prachodzić za začynienymi dźviaryma.
Zranku kala budynku sudu Centralnaha rajonu Miensku na vulicy Bahdanoviča sabrałasia niekalki dziasiatkaŭ čałaviek. Siarod ich – svajaki aryštavanych aktyvistaŭ «Partnerstva», a taksama pradstaŭniki moładzievaha demakratyčnaha ruchu j apazycyjnych partyj. Maci Mikoły Astrejki pryjšła zadoŭha da pačatku sudu. Jaŭhienija Astrejka bačyła, jak z «aŭtazaku» vyvodzili jejnaha syna ź siabrami. Jana zapeŭniła «Svabodu», što budzie prychodzić na kožnaje sudovaje pasiedžańnie j zastavacca tut, pakul jano nia skončycca.
(Astrejka: ) «Pabačyła dziaciej. Enira siońnia ŭžo była biez kajdankoŭ. Heta vielmi paradavała. Jana navat pamachała nam rukoj. Astatnija našy dzieci byli ŭ kajdankach, ale im dazvalali paviarnuć hałavu j pahladzieć na nas… Usio roŭna ciažka. Ja razumieju, što ničym nie dapamahu, ale budu prychodzić kožny dzień, pakul chopić sił. Budu stajać da kanca».
Sudździa Leanid Jasinovič siońnia apytvaŭ śviedkaŭ z boku abvinavačańnia. Kryminalnaja sprava suprać aktyvistaŭ «Partnerstva» naličvaje pakazańni jak minimum 20 śviedak. Aryštavanyja j ich abaroncy, pavodle Kryminalna-pracesualnaha kodeksu, majuć prava zadavać im svaje pytańni.
Ciažarnyja Viera Šałajka j Palina Astrejka pabyli la budynku sudu z ranicy, a zatym syšli dachaty. Svajaki aryštavanych vyrašyli, što žančynam nia varta stajać na chodniku pobač z darohaj, dzie ŭvieś čas na śvietłafor spyniajucca aŭtamabili j hramadzki transpart. Tym bolš, što specnazaŭcy nikomu nie dazvalali stajać nasuprać voknaŭ sudovaj zali.
Enira Branickaja, Mikoła Astrejka, Alaksandar Šałajka j Cimafiej Drančuk napačatku sudu praz žaluzi na voknach bačyli sabranych na vulicy. Baćka Cimafieja, Valer Drančuk, ličyć, što jahony syn z paplečnikami adčuvajuć prajavy salidarnaści.
(Drančuk: ) «Pierš napierš, heta maralnaja padtrymka. Paprostu, kali ŭ takich umovach sudziać tvajho syna, być doma j zajmacca niečym niemahčyma. Ja dumaju, što heta nia prosta baćkoŭskaje pačućcio, ale j hramadzianskaje. Bo, aproč majho syna, tut sudziać jahonych tavaryšaŭ, jahonych siabroŭ. Ja dumaju, što praź ścieny jany adčuvajuć našu padtrymku».
Svajaki aryštavanych zaŭvažyli, što da abiedu apytali tolki troch śviedak, jašče dvuch – paśla. Takim čynam, razhlad kryminalnaj spravy, z ulikam pierapynkaŭ, moža zaciahnucca na niekalki tydniaŭ. Sud praciahniecca zaŭtra, 1 žniŭnia.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary