Wargaming pradaŭ daččynuju kampaniju, ź jakoj vychodziŭ na suśvietny rynak
Amierykanskaja Riot Development Studios, jakaja źjaŭlajecca častkaj kitajskaha hiejmdeŭhihanta Tencent, zaviaršyła ździełku pa nabyćci kampanii Wargaming Sydney. Wargaming, takim čynam, pradaŭ daččynuju kampaniju, ź jakoj niekali pačynaŭ ekspansiju na suśvietnym rynku hulniaŭ, piša Office Life.
Jak paviedamlajecca, kampanija budzie pieranazvanaja ŭ Riot Sydney i stanie klučavym centram raspracoŭki amierykanskaj kampanii, viadomaj pa takich hulniach, jak League Of Legends i Valorant.
Kamanda raspracoŭščykaŭ piarojdzie ŭ Riot Sydney, a vydavieckaje padraździaleńnie zastaniecca ŭ štacie Wargaming. Taksama Wargaming zachavaje pravy na technałohii i hulniavuju płatformu, na jakoj funkcyjanujuć jaje hulni.
Wargaming Sydney, jakaja raniej nazyvałasia BigWorld, stała pieršym abjektam mižnarodnaj ekspansii raspracoŭščyka i vydaŭca World Of Tanks, World of Warships i World of Warplanes. U 2012 hodzie jana była nabytaja ŭ zasnavalnikaŭ aŭstralijskaj studyi za 45 młn dalaraŭ. Hetaja kupla da siońniašniaha času ŭvachodzić u lik top-50 M&A-ździełak z udziełam biełaruskaha biznesu.
Suma, za jakuju Viktar Kisły i jaho partniory pradali Wargaming Sydney, nie raskryvajecca.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ3
Kamientary
była ŭ ich i karta Minska - hetki padarunak suajčyńnikam. ale tam budynki rujnavać nielha było. a tolki "miełačoŭku" usiakuju - musarki, aharodžy...