The Washington Post: U asiarodździ Pucina znajšoŭsia čałaviek, jaki adkryta skazaŭ jamu pra pamyłki na vajnie va Ukrainie
Amierykanskaje vydańnie piša, što adzin ź ludziej, jakija ŭvachodziać u najbližejšaje atačeńnie Uładzimira Pucina, vykazaŭ prezidentu Rasii niazhodu ź jahonymi dziejańniami. Amierykanskaja raźviedka viedaje jaho imia.
Hazieta nie nazyvaje imia hetaha čałavieka, ale adznačaje, što jon vykazaŭ Pucinu zaniepakojenaść nieefiektyŭnym kiravańniem vajennymi dziejańniami i pamyłkami, dapuščanymi rasijskim vajskovym kiraŭnictvam.
«Z pačatkam akupacyi my nazirajem, jak raście tryvoha z boku šerahu nabližanych Pucina. Pavodle našych acenak, jany asabliva niezadavolenyja niadaŭnimi rasijskimi stratami, pamyłkovym kursam i šmatlikimi vajennymi promachami», — zajaviła haziecie krynica ŭ raźviedcy.
U Kramli heta admaŭlajuć. Pres-sakratar Pucina Dźmitryj Piaskoŭ u razmovie z Washington Post pryznaŭ, što siarod rasijskaha kiraŭnictva byli roznahałośsi z nahody vajny, ale zajaviŭ, što jany źjaŭlajucca «častkaj zvyčajnaha pracoŭnaha pracesu». «Heta nie prykmieta jakoha-niebudź raskołu», — skazaŭ Piaskoŭ.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ4
Kamientary