«Antydziaržaŭnaja kłaaka». Łukašenka zahadaŭ uvieści licenzavańnie ŭ adukacyi
«Ja daručyŭ nieadkładna ŭvieści licenzavańnie, z učarašniaha dnia», — zajaviŭ Alaksandr Łukašenka na sustrečy z Alaksandram Valfovičam.
Na sustrečy ź dziaržaŭnym sakratarom Rady biaśpieki Alaksandram Valfovičam Łukašenka prakamientavaŭ vypadak u pryvatnaj škole, dzie vučań streliŭ inšaj školnicy ŭ tvar.
«Nie niejki tam traŭmatyčny, jak jany pišuć, pistalet. Heta byŭ dziciačy pistalet z humovymi tak zvanymi šarykami hetymi. Jon trapiŭ dziaŭčyncy ŭ voka. Jana była ŭ akularach. Raźbiŭ škło i paškodziŭ voka. Z hetaha zrabili nadzvyčajščynu. Ja daručyŭ razabracca», — adznačyŭ Alaksandr Łukašenka.
Havoračy ab incydencie sa stralboj ź dziciačaha pistaleta, Łukašenka skazaŭ, što sprava navat nie ŭ hetaj drobiazi, choć i heta važna. Pa jaho słovach, u vyniku vyjavilisia bolš maštabnyja pytańni i prablemy.
«Akazvajecca, u hetaj škole ažno 26 vučniaŭ. Pa-mojmu, tak mnie ministr unutranych spraŭ dałažyŭ. Pryvatnaja škoła. Adkul, jakaja, što heta za škoła — 26 vučniaŭ. Pačali raźbiracca — jana zarehistravanaja na terytoryi pryvatnaha niejkaha pradpryjemstva, jakoje ni čorta nie robić pavodle statutu. Napeŭna, čakajuć, kab hetuju ziamielku prykarmanić i pabudavać tam žyllo. A miesca zručnaje. Potym pradać možna dobra. Uvohule, jość pytańni».
«Tamu treba začyścić ŭsie da niemahčymaści ŭ sistemie adukacyi» — skazaŭ Łukašenka.
Čytajcie taksama:
Anhlijskaja štodnia i piacirazovaje charčavańnie. Što prapanujuć pryvatnyja škoły i kolki tam kaštuje navučańnie?
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła2
Kamientary