Drakachrust: Raniejšyja amnistyi byli na paru tydniaŭ paśla dat. Mahčyma, i ciapier tak budzie
6 vieraśnia Alaksandar Łukašenka pravioŭ naradu, na jakoj abviaściŭ pra amnistyju da novaha śviata — Dnia narodnaha adzinstva. Jon zajaviŭ, što pad amnistyju mohuć patrapić i asoby, jakija ŭčynili złačynstvy «pratesnaj nakiravanaści».
«Letaś ad pakarańnia vyzvalili 13 palitviaźniaŭ i zroblena heta było 15 vieraśnia — napiaredadni aficyjnaha śviata. Čamu sioleta vyzvaleńnie nie adbyłosia napiaredadni?
Letaś 13 palitviaźniaŭ byli pamiłavanyja, a sioleta idziecca pra amnistyju. Heta roznyja praŭnyja pracedury. Pa sutnaści heta adno i toje ž — rašeńnie dziaržavy ab skasavańni ci źmiakčeńni kryminalnaha pakarańnia.
Adnak pamiłavańnie — heta rašeńnie adnosna kankretnych asobaŭ, pamiłavańnie moža być tolki piersanalnym. I pavodle Kanstytucyi — i raniejšaj redakcyi, i novaj — heta prerahatyva kiraŭnika dziaržavy, pamiłavańnie afarmlajecca prezidenckim ukazam.
I mienavita takim ukazam byli pamiłavanyja letaś 15 vieraśnia 13 palitviaźniaŭ.
Amnistyja ž tyčycca cełych katehoryj asudžanych, skažam, asudžanych na terminy da 3 hadoŭ, asudžanych pavodle peŭnych artykułaŭ, asudžanych žančyn i h. d. I pavodle Kanstytucyi, adpaviednaje rašeńnie ŭ vyhladzie zakona prymaje parłamient. Jaho potym padpisvaje prezident.
Apošniaja mienavita amnistyja ŭ Biełarusi była ŭ traŭni 2020 hoda. Jana była prymierkavanaja da «75-hodździa Pieramohi ŭ Vialikaj Ajčynnaj vajnie». Adnak pryniaty adpaviedny zakon Łukašenka padpisaŭ 18 traŭnia — praz 9 dzion paśla ŭłasna hadaviny 9 traŭnia.
Papiaredniaja amnistyja była ŭ 2019 hodzie. Jana była abvieščanaja «u suviazi z 75-hodździem vyzvaleńnia Biełarusi ad niamiecka-fašysckich zachopnikaŭ». U sučasnym dziaržaŭnym dyskursie dataj vyzvaleńnia Biełarusi ad nacysckaj akupacyi ličycca data vyzvaleńnia ad jaje Minska, što adbyłosia 3 lipienia 1944 hoda. A zakon ab amnistyi ŭ 2019 hodzie byŭ pryniaty paźniej za hadavinu na 16 dzion — 19 lipienia.
Inšymi słovami, zakony ab amnistyi 2019 i 2020 hadoŭ byli abvieščanyja značna paźniej za hadaviny, da jakich byli prymierkavanyja.
Napeŭna, i sioleta budzie hetak ža. Partał «Zierkało» napiaredadni 17 vieraśnia vyśviatlaŭ u Pałacie pradstaŭnikoŭ, jakaja situacyja z zakonam ab amnistyi. Pavodle infarmacyi z Pałaty, prajekt zakona tudy jašče navat nie trapiŭ.
Napeŭna, pavodle dośviedu 2019-2020 hadoŭ zakon, prymierkavany da hadaviny 17 vieraśnia, budzie pryniaty pry kancy vieraśnia ci ŭ kastryčniku».
-
Pamiatajecie minčuka, jaki razam z maci prapuściŭ cieła zabitaj dziaŭčyny praź miasarubku? Dziadok kaža, što jon u turmie zvarjacieŭ
-
«U kaho bolšaja łodka, toj i maje racyju». Kuchar ź Biełarusi arhanizuje tury na jachtach i katamaranach pa ŭsim śviecie
-
Na miažy z Polščaj sabrałasia čarha z 1700 hruzavikoŭ
Ciapier čytajuć
Žonka Statkieviča raskazała, pra što paśpieła parazmaŭlać ź im13
Kamientary