Zatrymali žonku palitźniavolenaha žurnalista Dźmitryja Łukšy. Ciapier jany aboje na Vaładarcy
Zatrymańnie Paliny Pałavinki adbyłosia jašče 2 červienia, ale pravaabaroncy daviedalisia pra heta tolki niadaŭna.
Viadoma, što jaje, jak i muža, abvinavačvajuć pa dvuch artykułach Kryminalnaha kodeksa: č. 1 art. 342 — aktyŭny ŭdzieł u hrupavych dziejańniach, jakija hruba parušajuć hramadski paradak, art. 369-1 — dyskredytacyja Biełarusi. Ciapier Palinu i Dźmitryja utrymlivajuć u SIZA-1.
Dźmitryj Łukša byŭ zatrymany paśla pieratrusu ŭ kvatery ŭ Minsku 11 sakavika. Raniej jon šmat hadoŭ pracavaŭ u Biełteleradyjokampanii, byŭ viadučym prahramy «Zona X». Na momant zatrymańnia Dźmitryj pracavaŭ pazaštatnym karespandentam kazachstanskaha telekanała «Chabar 24», i padstavaj dla jaho zatrymańnia staŭ jaho apošni siužet na kanale.
Padtrymajcie palitźniavolenych muža i žonku listami, pasyłkami, hrašovymi pieravodami: SIZA-1, 220030, h. Minsk, vuł. Vaładarskaha, 2, Dźmitryj Michajłavič Łukša, Palina Pałavinka.
Kamientary