U Biełhazprambanku žorstka zatrymali ź dziasiatak inkasataraŭ, nibyta za abrazu Łukašenki
Čytačy vydańnia «Zierkało» paviedamili, što 6 vieraśnia ŭ Biełhazprambank prychodzili siłaviki. Pavodle infarmacyi niekalkich nie źviazanych adzin z adnym krynic, zatrymanyja «10 abo 11» supracoŭnikaŭ inkasatarskaj słužby. Bolšaść ź ich ciapier nibyta znachodzicca na Akreścina: jany atrymali sutki.
«Zatrymali 11 čałaviek, usie — inkasatary banka, — raspavioŭ «Zierkału» adzin z čytačoŭ. — Usich abvinavacili ŭ niepadparadkavańni milicyi i dali pa 14 sutak.
Supracoŭnik Biełhazprambanka taksama paćvierdziŭ: zatrymańni inkasataraŭ byli.
«Niekatorych zatrymlivali davoli žorstka. Adnamu navat złamali plačo abo ruku — nibyta za akazańnie supracivu. U samich inkasataraŭ doma prajšli pieratrusy», — skazaŭ jon. Za što zatrymlivali supracoŭnikaŭ, mužčyna dakładna nie viedaje.
«U nas tolki ŭryŭkavyja źviestki. Byccam by za abrazu Łukašenki va ŭnutranym čacie. Kažuć, chtości źliŭ ich pierapisku».
Pavodle źviestak rabotnika banka, zatrymanyja «10 abo 11 čałaviek», u tym liku i načalnik słužby inkasacyi.
«Ciapier jany na Akreścina, ale kažuć, što imi ŭžo cikavicca SK, — dadaje supracoŭnik.
Telehram-kanał «MotolkoPomohi» 8 vieraśnia paviedamlaŭ, što zatrymanych bolš — 14 čałaviek.
Pra takuju ž kolkaść jon praciahvaje śćviardžać i ciapier. Akramia taho, pa jahonaj infarmacyi, siońnia ŭ banku prajšła atestacyja staršyni praŭleńnia.
-
Palitviazień Vacłaŭ Areška sustreŭ za kratami 71‑y dzień naradžeńnia. Kaladnuju paštoŭku jamu vizualna apisvali inšyja
-
Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
-
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy10
Kamientary