Ministr sportu i turyzmu Siarhiej Kavalčuk, vystupajučy pierad žurnalistami 9 vieraśnia, pryznaŭ, što ŭ addalenych rajonach Biełarusi ahraekaturyzm raźvivajecca horš, čym u inšych. Tamu hłybincy pavinny być dadzienyja lhoty dla ahrasiadzib. Takuju prapanovu ŭtrymlivaje prajekt ukaza, jaki pradstaŭleny va ŭrad, piša Office Life.
Siarod inšych zakanadaŭčych navacyj dla rehijonaŭ — prapanujecca zamacavać adkaznaść haspadaroŭ ahrasiadzib za hramadski paradak na svajoj terytoryi. A hałoŭnaje, treba bolš paŭnamoctvaŭ u rehulavańni ahraekaturyzmu pieradać miascovym uładam, ličyć ministr. Kab sami dziaržorhany na miescach vyznačali rajony i rehijony, dzie nieabchodna stymulavać raźvićcio turyzmu.
Pry hetym śpiecyjalnyja kamisii zojmucca revizijaj ahrasiadzib. Jany buduć vyznačać status turystyčnaha abjekta: haścinica, restaran ci ahraekasiadziba. A z ulikam hetaha budzie davacca dazvoł na zaniatak peŭnym vidam dziejnaści.
Raniej paviedamlałasia, što ahrasiadzibam budzie dadzieny pierachodny pieryjad da 1 studzienia 2023 hoda dla źmieny dziejnaści ŭ adpaviednaści z novymi praviłami. Pry padrychtoŭcy dakumienta Minsportu acaniła vyniki dziejnaści zvyš 2900 ahraekasiadzib (99%). Niezadavolenaść ministerstva biahučaj praktykaj akazańnia pasłuh ahraekaturyzmu tłumačycca tym, što asobnyja subjekty pad vyhladam ahraekaturyzmu faktyčna arhanizujuć haściničny i restaranny biznes.
Čytajcie taksama:
Ahrasiadziby pačynajuć dušyć. Navošta i kamu heta treba?
«Źjaviłasia žadańnie ŭciačy ad usich». Žančyna z tryma dziećmi źjechała ŭ hłuchuju paleskuju viosku, kupiła zakinutuju chatu i zrabiła jaje znakamitaj
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary