Kiroŭca-mižnarodnik, lekar u pryvatnuju kliniku i majstar manikiuru. Na jakich rabotach biełarusam hatovyja płacić ad 1000 dalaraŭ na miesiac

Kiroŭca-mižnarodnik

Badaj, samaja papularnaja vakansija z zarobkami ad 2500 rubloŭ na ruki — heta kiroŭca-mižnarodnik z katehoryjaj SIE. 

U zaležnaści ad najmalnika, ad patencyjnych kiroŭcaŭ vialikahruza patrabujuć mieć ad 6 miesiacaŭ da 2 hadoŭ dośviedu pracy pa katehoryi.

Z ulikam sankcyj, nakładzienych na biełaruskija transpartnyja kampanii, kiroŭca musić być hatovy dastaŭlać hruzy ŭ RF, Kazachstan, Kyrhyzstan i navat Kitaj. 

Pavialičyć

U adroźnieńnie ad jeŭrapiejskich firm, dzie kiroŭcam apłočvajuć sutačnyja, biełaruskija transpartnyja kampanii čaściej za ŭsio naličvajuć zarpłatu ad kolkaści kiłamietraŭ. Jak praviła, dalnabojščykam prapanujuć zarobak da 3000 tysiač rubloŭ.

Pramysłovy alpinist

Na zarobak ad 1000 dalaraŭ u Minsku moža raźličvać i pramysłovy alpinist z poŭnaj zaniataściu. Patrabavańni da kandydata — dośvied pracy ad 2 hadoŭ. U abaviazki ŭvachodzić: hiermietyzacyja mižpanelnych švoŭ, uciapleńnie, atynkoŭka i afarboŭka fasadaŭ.

Hałoŭny kanstruktar i majstar manikiuru

Na zarpłatu ŭ 2500 rubloŭ šukajuć hałoŭnaha kanstruktara z dośviedam pracy ad 5 hadoŭ. Kandydat musić umieć rabić raźliki i raspracoŭki hidrasistem ź ciskam ad 20 MPa i vyšej, padbirać hidrakampanienty, raspracoŭvać i čytać schiemy hidraŭličnaha pryvadu.

Adzin sa staličnych sałonaŭ pryhažości šukaje majstra pa manikiury i piedykiury. Śpiecyjalistu z dośviedam ad dvuch hadoŭ sałon hatovy płacić ad 2500 rubloŭ na ruki. 

Pavialičyć

Supracoŭniki aŭtaservisaŭ

Na zarobak u 1000 dalaraŭ taksama mohuć raźličvać pradstaŭniki budaŭničych ci aŭtaślesarnych prafiesij. 

Na zapavietnuju tysiaču dialaraŭ u Hrodnie šukajuć aŭtaelektryka-dyjahnosta.

Malaru-padrychtoŭščyku ŭ Minsku abiacajuć płacić ad 2500 da 5000 rubloŭ.

Pavialičyć

Kamu jašče hatovy płacić 1000 dalaraŭ

Aproč vyšej zhadanych prafiesij, na zarobak ad 1000 dalaraŭ u miesiac mohuć raźličvać riełtary, ekśpiedytary, vysokakvalifikavanyja miedycynskija rabotniki dla pracy ŭ pryvatnych miedcentrach. 

Siarod vakansij z zarobkam ad 2500 rubloŭ sustrakajucca i prapanovy dla IT-śpiecyjalistaŭ. 

Taksama siarod vakansij z padobnym zarobkam davoli šmat prapanoŭ pa pracy za miažoj. Kiroŭcam katehoryi CE, jakija buduć jeździć pa Jeŭropie, prapanujuć zarpłatu ad 70 jeŭra ŭ sutki. Papularnyja vakansii na budoŭlach u Polščy, Litvie i navat Łatvii. Abiacany zarobak na zamiežnych budoŭlach — ad 1000 jeŭra na ruki. 

Ahułam na praca.by za miesiac źjaviłasia ŭsiaho 173 vakansii z abiacanaj zarpłataj ad 2500 rubloŭ.

Usiaho na sajcie bolš za 14 tysiač vakansij. Čaściej za ŭsio najmalniki šukajuć ludziej na zarpłatu ad 500 da 700 rubloŭ, takich prapanoŭ naličvajecca bolš za 3400. Bolš za 3000 najmalnikaŭ šukajuć ludziej, hatovych pracavać za 700-980 rubloŭ u miesiac. 

Pavialičyć

Na inšym papularnym sajcie pa pošuku pracy rabota.by — bolš za 27 tysiač vakansij.

Zhodna z danymi Biełstata, u lipieni 2022 hoda siaredniaja zarpłata «na ruki» skłała 1414 rubloŭ. 

• 1
• 0
• 1
• 0
• 1
• 1
• 1
• 0