«Na sudzie jany płakali i havaryli, kab im nie šyli toje, čaho nie było». Stali viadomyja akaličnaści suda nad maci i siastroj Parfiankova
Pravaabaroncy «Viasny» apublikavali śviedčańni žycharki Minska, jakaja praviała na Akreścina 27 sutak. Minčanka, jakaja trapiła tudy ŭ krasaviku i jakuju niekalki razoŭ pierazatrymlivali, raskazała pra sukamiernic — svajačak Vasila Parfiankova, jaki niadaŭna zahinuŭ va Ukrainie.
«Heta mama i siastra kalinoŭca Vasila Parfiankova, jaki niadaŭna zahinuŭ va Ukrainie. Sud nad imi prachodziŭ vielmi ciažka — my čuli, jak ich sudzili praz Skajp. Pa ich pryjechali šeść ci vosiem čałaviek u poŭnym abmundziravańni, praviali vobšuk. Ich abvinavacili ŭ niepadparadkavańni supracoŭnikam milicyi i ŭ tym, što jany niby napali na tych, chto ich zatrymlivaŭ. Tam žančyny dosyć malusieńkija, maci Vasila ŭ šanoŭnym uzroście, joj, zdajecca, 67 hadoŭ, jak jany mahli napaści? Na sudzie jany płakali i havaryli, kab jany nie šyli im toje, čaho nie było nasamreč. Mama Vasila kazała, što hatovaja adsiadzieć, ale za spravu, a nie za heta… Da ich stabilna prychodzili z vobšukami, jak ja zrazumieła, kožnyja paŭhoda. U nas va ŭsich kom u horle byŭ. Było składana słuchać hety sud, vielmi składana», — kaža žančyna.
Vasil Parfiankoŭ — były biełaruski palitviazień, udzielničaŭ u Płoščy-2010. Byŭ abvinavačany va ŭdziele ŭ masavych biesparadkach, asudžany na 4 hady pazbaŭleńnia voli, ale praź niekatory čas pamiłavany Łukašenkam. Źjechaŭ va Ukrainu. U 2014 hodzie vajavaŭ na Danbasie na baku ŭkraincaŭ, atrymaŭ hramadzianstva, słužyŭ u armii.
U krasaviku ŭ telehram-kanale, padkantrolnym Ministerstvu ŭnutranych spraŭ Biełarusi, źjaviłasia videa, u jakim maci Vasila Parfiankova abvinavačvaje syna ŭ padtrymcy Ukrainy i kaža, što jana im pahardžaje za jaho pazicyju.
Žančynie na videa vidavočna fizična ciažka havaryć.
Videa było źniataje na fonie litary Z — simvała rasijskaj ahresii.
U kancy červienia Parfiankoŭ zahinuŭ. Jamu było 38 hadoŭ.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary