Litva nie źbirajecca adnaŭlać čyhunačnaje złučeńnie ź Biełaruśsiu
Paśla taho, jak Minsk vykazaŭ žadańnie adnavić pasažyrskaje čyhunačnaje złučeńnie ź Vilniaj, jakoje było spyniena dva hady tamu, u kampanii Litoŭskija čyhunki (Lietuvos gelezinkeliai) kažuć, što ni ŭ hetym, ni ŭ nastupnym hodzie takich płanaŭ u ich niama.
«Z 2020 hoda, kali pačałasia pandemija COVID-19, pasažyrskija ciahniki pamiž Vilniaj i Minskam spynienyja. Z ulikam usich abstavinaŭ u płany na 2023 hod nie ŭvachodzić złučeńnie pamiž stalicami Litvy i Biełarusi», — skazała pradstaŭnik dačynnaj kampanii LTG — LTG Link pa pasažyrskich pieravozkach Katryna Dzikarajcie.
Pavodle jaje słoŭ, u Lietuvos gelezinkeliai pastupiŭ zvarot Biełaruskaj čyhunki adnosna mahčymaści adnaŭleńnia maršrutu Vilnia — Minsk, ale ŭ bližejšych płanach LTG Link heta nie praduhledžana. Hadavyja hrafiki mižnarodnych znosin na prastory rasijskaj kalainy 1520 mm uzhadniajucca adzin raz u hod — da siaredziny hoda i ŭstupajuć u siłu ŭ śniežni, paviedamlaje LTG Link.
Raniej u Ministerstvie transpartu i kamunikacyj Biełarusi zajavili pra žadańnie adnavić złučeńnie ź Litvoj, a taksama z Łatvijaj i Polščaj, jakoje było spyniena ŭ sakaviku 2020 hoda praz pandemiju.
«Ciapier ź Minska ŭ Vilniu, Ryhu i Varšavu kursujuć štodzionnyja aŭtobusy, kolkaść pasažyraŭ pastajanna pavialičvajecca» — dadali ŭ Ministerstvie. Da pandemii na Litvu, Łatviju i Polšču prychodziłasia kala piataj častki ŭsich biełaruskich mižnarodnych pasažyrskich čyhunačnych pieravozak.
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary