Čakajucca novyja čystki siarod historykaŭ. Užo zvolnili dyrektara biblijateki Akademii navuk Alaksandra Hrušu
U Akademii navuk praciahvajucca kadravyja čystki. Stała viadoma, što z 1 lipienia zvalniajecca dyrektar Centralnaj navukovaj biblijateki NANB Alaksandr Hruša. Usiaho tolki paŭhoda tamu ź im padpisali novy kantrakt, ale heta nie stała pieraškodaj.
49-hadovy Alaksandr Hruša — viadomy daloka za miežami Biełarusi historyk-miedyjevist, doktar histaryčnych navuk.
Jon pracavaŭ u struktury Akademii navuk z 1996 hoda, pierad tym, jak u 2014 hodzie ŭznačalić biblijateku NANB, z 2005 hoda byŭ zahadčykam adździeła historyi Biełarusi Siarednich viakoŭ i pačatku Novaha času. Śfiera jaho navukovych intaresaŭ: farmavańnie piśmovaj kultury ŭ Vialikim Kniastvie Litoŭskim u XIII — pieršaj treci XVI stahodździa. Jon adzin z najlepšych znaŭcaŭ kiryličnaj paleahrafii taho času.
Akramia taho, jość infarmacyja, što płanujucca i ŭžo iduć novyja čystki ŭ Instytucie historyi NANB. Pad ich užo patrapili archieołahi Mikałaj Płavinski i Vadzim Košman, ale padobna na toje, što na hetym nie spyniacca.
Viadoma, što ŭ administracyi Łukašenki niadaŭna była stvoranaja kamisija pa praviercy dziejnaści Instytuta historyi na čale ź pieršym namieśnikam kiraŭnika administracyi Maksimam Ryžankovym. U jaje ŭvajšli siarod inšych takija viadomyja pravadniki dziaržaŭnaj ideałahičnaj linii ŭ histaryčnaj navucy, jak deputat Ihar Marzaluk, kiraŭnik tavarystva «Viedy» Vadzim Hihin, rektar Akademii kiravańnia, były dyrektar Instytuta historyi Viačasłaŭ Daniłovič, dekan histfaka BDU Alaksandr Kachanoŭski, rektar Hrodzienskaha dziaržaŭnaha ŭniviersiteta Iryna Kiturka. Vierahodna, nastupnyja rašeńni adnosna Instytuta buduć prymacca pa vynikach jaje pracy.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary