Viarchoŭny sud pakinuŭ vializnyja prysudy fihurantam «spravy Cichanoŭskaha» ŭ sile. Chutka ich etapujuć u kałonii
31 maja ŭ Viarchoŭnym sudzie ŭ zakrytym režymie pačali razhladać apielacyjnyja skarhi šaści fihurantaŭ «spravy Cichanoŭskaha». Siońnia sud pastanaviŭ pakinuć prysudy bieź źmienaŭ.
Prysudy Siarhieju Cichanoŭskamu, Mikałaju Statkieviču, Iharu Łosiku, Uładzimiru Cyhanoviču, Arciomu Sakavu i Dźmitryju Papovu byli abvieščanyja paŭhoda nazad, 14 śniežnia.
Siońnia prysud pa abvinavačvańni Statkieviča pa č. 1 art. 293 KK; Cichanoŭskaha, Sakava, Papova (č. 1 art. 293, č. 3 art. 130, č. 2 art. 191, č. 1 art. 342 KK); Cyhanoviča, Łosika (č. 1 art. 293, č. 3 art. 130) pakinutyja bieź źmien, apielacyjnyja skarhi — biez zadavalnieńnia.
Siarhiej Cichanoŭski atrymaŭ najbolšy termin — 18 hadoŭ kałonii; Statkieviča asudzili da 14 hadoŭ kałonii asablivaha režymu; Łosika i Cyhanoviča — da 15 hadoŭ kałonii; Papova i Sakava — da 16 hadoŭ kałonii. Taksama ź ich spahnali bolš za 2,5 młn rubloŭ dla pakryćcia materyjalnaj škody, «naniesienaj złačynstvam».
Sud prachodziŭ u zakrytym režymie, tamu padrabiaznaści pracesu nieviadomyja.
Chutka palitviaźniaŭ nakirujuć u kałonii, ale ciaham jašče niekalkich dzion ich možna padtrymać hrašovymi pieravodami.
Padtrymajcie palitviaźniaŭ: SIZA-3, 246003, h. Homiel, vuł. Knižnaja, 1A.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy5
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary