5 vieraśnia ŭ pałacy kultury MTZ adbyŭsia XI źjezd adnoj z najstarejšych biełaruskich partyj.
5 vieraśnia ŭ pałacy kultury MTZ projdzie XI źjezd adnoj z najstarejšych biełaruskich partyj.
Hałoŭnym pytańniem źjezdu stanie abrańnie kiraŭnika partyi.
Lavon Barščeŭski nieadnarazova zajaŭlaŭ, što bolš nie budzie bałatavacca na kiroŭnyja pasady. U toj ža čas Barščeŭski razhladajecca jak vierahodny frontaŭski kandydat na nastupnyja prezidenckija vybary.
Hety źjezd Partyi BNF pretendavaŭ stać adnym z najbolšych u historyi. Na mierapryjemstva traplajuć partyjcy pa kvocie adzin ad dvuch, jakija prysutničajuć na rehijanalnych schodach. Ahulnaja kolkaść delehataŭ składzie blizu 370 čałaviek.
Pra svaje ambicyi bałatavacca na pasadu staršyni zajavili dva namieśniki Barščeŭskaha — Alaksiej Janukievič i Viktar Ivaškievič.Nie vyklučanaje vyłučeńnie i namieśnika treciaha — Vincuka Viačorki, ale jon pra heta pakul nie zajaŭlaŭ.
«My pavinny vyjści ź cieniaŭ roznych kaalicyj. Nie pracavać pavodle tych scenaraŭ, jakija pišucca nie nami. BNF doŭhi čas vykarystoŭvajuć u jakaści «ciahavaj siły» ŭ niepatrebnych prajektach», — kaža A.Janukievič.
Na jahonuju dumku, praciah staroj linii aznačaje faktyčnuju śmierć BNF. Palityk bačyć budučyniu BNF u nacyjanalna‑demakratyčnaj kaalicyi, razam z Chryścijanskaj demakratyjaj, Milinkievičavym Rucham «Za svabodu», KCHP‑BNF, «Maładym frontam», «Pravym aljansam».
«Ja vysoka aceńvaju svaje šancy na pieramohu. Kali prysutničaŭ na partyjnych schodach, zrazumieŭ, što našy aktyvisty chočuć źmienaŭ», — havoryć A.Janukievič.
Kandydaturu Viktara Ivaškieviča padtrymlivaje siońniašni kiraŭnik BNF Lavon Barščeŭski. Ivaškievič kaža pra toje, što na siońnia važniejšym źjaŭlajecca vyłučeńnie frontaŭskaha kandydata na prezidenckija vybary, a staršynia Partyi faktyčna moža stać kiraŭnikom vybarčaha štabu.
Kamientary