Ministerstva ekanomiki zaviaršyła farmavańnie śpisu pazicyj dla impartazamiaščeńnia. Cana pytańnia — 2,5 młrd dalaraŭ. Pra heta paviedamiŭ pieršy namieśnik ministra ekanomiki Juryj Čabatar, paviedamlaje reform.by.
«My z rasijskimi partniorami praanalizavali tavarnyja pazicyi, jakija pastupali ź niedružalubnych krain, i vyznačyli tyja nišy, jakija možna asvoić. Pa vynikach paŭtara miesiacaŭ užo dasiahnutyja pieršyja vyniki. Napracavanyja prapanovy pa krychu bolš čym 10 inviestprajektach, jakija zacikavili našych partnioraŭ pa Sajuznaj dziaržavie, u roznych halinach — sielhasmašynabudavańni, aŭtamabilebudavańni, mašynabudavańni, naftachimii, pryborabudavańni. Vynikam ich realizacyi stanie vypusk zapatrabavanych na našych rynkach praduktaŭ.
Pavodle jaho słoŭ, u bližejšy čas budzie apublikavany śpis tavaraŭ, jakija treba impartazamiaścić. Miarkujecca, što jon stanie aryjenciram dla biznesu, a taksama bankaŭ — jakija prajekty kredytavać na lhotnych umovach. Čabatar nazvaŭ niekatoryja składniki pieraliku:
— vuzły i ahrehaty dla aŭtamabilebudavańnia,
Taksama jość pazicyi ŭ pryborabudavańni i drevaapracoŭcy. Pavodle jaho słoŭ, taksama hatovy pieralik z 30 raspracovak ajčynnych navukoŭcaŭ, jakija zastajecca tolki ŭkaranić.
«Kali kazać ab štohadovym imparcie, jaki ŭ siarednim zavozili da nas ź niedružalubnych krain, to havorka idzie ab paradku 8 młrd dalaraŭ. A ŭsiaho na ahulny z Rasijskaj Fiederacyjaj rynak pastupała pradukcyi na sotni młrd dalaraŭ. Pavodle našych acenak, tolki sychod kampanij pa drevaapracoŭcy i meblevaj pramysłovaści adkryvaje nišu ŭ 5-6 młrd dalaraŭ, u charčovaj pramysłovaści-kala 17-20 młrd dalaraŭ. Heta značyć, na rynku majucca nieabmiežavanyja mahčymaści dla razhortvańnia vytvorčaściaŭ», — ličyć pieršy namieśnik ministra.
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary