U Varšavie zasnavali biełaruskuju tvorčuju placoŭku «InBiełKult 2.0»
Na placoŭcy buduć prachodzić roznyja kulturnickija imprezy, u tym liku vystavy i kancerty, piša «Svaboda».
Jak adznačajuć arhanizatary, «InBiełKult 2.0» stanie «tvorčaj placoŭkaj dla roznych muzyčnych kalektyvaŭ i šmatlikich kulturnickich prajektaŭ u halinie teatra, litaratury, mastactva, fatahrafii dy humanitarnych navuk».
Placoŭka ŭžo abjadnała takija inicyjatyvy, jak «Volny chor», «Škoła mastactvaŭ imia Mikoły Ravienskaha», chor Concordia. Taksama ŭ płanach stvareńnie «Biełaruskaj kapeły», moŭnych kursaŭ, praviadzieńnie stałych fotavystaŭ i muzyčna-litaraturnych sustreč.
16 traŭnia ŭ Domie spatkańniaŭ z historyjaj na varšaŭskaj vulicy Karowa, 20, adbudziecca prezientacyja prajekta.
U sustrečy voźmuć udzieł:
• Lavon Volski — muzyka;
• Ivan Kaściachin — simfaničny dyryžor;
• Volha Padhajskaja — kampazitarka;
• Vital Darašuk — muzyka;
• Taciana Hałuza — muzyka;
• Asia Smalak — teatralnaja artystka;
• Vasil Drańko-Majsiuk — animatar kultury;
• Śviatłana Zielankoŭskaja — aktrysa i śpiavačka;
• Kryścina Drobyš — aktrysa;
• Taciana Kandracienka — mastačka;
• Volha Mželskaja — kuratarka vystavaŭ;
• Ženia i Julija Kanaplovy-Lejdyk — fatohrafy;
• Halina Kazimiroŭskaja — dyryžorka;
• Hanna Radziejoŭskaja — kuratarka, kiraŭnica Instytuta Pileckaha ŭ Bierlinie;
• Alina Koŭšyk — žurnalistka, suzasnavalnica Centra biełaruskaj salidarnaści.
Na prezientacyi adbuducca vystupy vybitnych dziejačaŭ biełaruskaj kultury i razmova pra stan biełaruskaj kultury, šlachi jaje zachavańnia i raźvićcia.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary