Što za «śpiecapieracyja» biełaruskich śpiecsłužb na terytoryi Ukrainy dla vyzvaleńnia dalnabojščykaŭ? Padrabiaznaści
Niadaŭna Łukašenka biez detalaŭ raskazvaŭ pra niejkuju «śpiecapieracyju biełaruskich śpiecsłužb na terytoryi Ukrainy». Metaj «śpiecapieracyi» nibyta było vyzvaleńnie biełaruskich dalnabojščykaŭ. «Naša Niva» daviedałasia sens hetaj historyi.
Alaksandr Łukašenka na pasiadžeńni Rady biaśpieki zajaviŭ, što, dla taho kab viarnuć u krainu biełaruskich dalnabojščykaŭ, jakija zatrymalisia z-za vajny va Ukrainie, pryjšłosia pravodzić śpiecyjalnuju apieracyju.
«Dajšło da taho, što hetyja niahodniki stali zachoplivać tam našych ludziej, pierš za ŭsio — kiroŭcaŭ aŭtamabilaŭ, jakija trapili ŭ toj čas tudy. Aryštavali paŭtary tysiačy ci kolki tam našych vahonaŭ, zachapili našy aŭtamabili i da sotni našych chłopcaŭ, jakija kiravali hetymi furami» — raskazaŭ jon.
Jak stała viadoma «Našaj Nivie», sens «śpiecapieracyi» zaklučaŭsia ŭ nieaficyjnym abmienie zatrymanych rasijskich hramadzian (dalnabojščykaŭ, budaŭnikoŭ i inšych cyvilnych śpiecyjalistaŭ z rasijskimi pašpartami, jakich vajna zaśpieła na terytoryi Ukrainy) i — u nievialikaj kolkaści — biełarusaŭ na hramadzian Ukrainy mirnych prafiesij, jakija anałahična apynulisia ŭ Rasii.
Krynicy śćviardžajuć, što bolšaść biełarusaŭ pakinuła Ukrainu ŭ ahulnym paradku — zvyčajnymi evakuacyjnymi rejsami.
Na «abmien» trapili tolki tyja niekalki dziasiatkaŭ, kamu asabliva nie paščaściła — jany znachodzilisia pad achovaj Słužby biaśpieki Ukrainy (SBU). Jany byli pad svajho rodu «chatnim aryštam» z mahčymaściu adychodzić u apteki i kramy ŭ supravadžeńni supracoŭnikaŭ śpiecsłužb da momantu abmienu.
Biełarusy pajšli ŭ adnym pakiecie z rasijanami, imavierna, tamu Łukašenka i kinuŭ staršyni KDB Ciercielu, što jaho viedamstva hetaj apieracyi nie zaŭvažyła. Jaje praviali naŭprost SBU i rasijskaja FSB.
Alaksandr Łukašenka daručyŭ Ciercielu (toj zapisvaŭ usie słovy Łukašenki) uznaharodzić udzielnikaŭ «apieracyi».
Kolkaść hramadzian Biełarusi, jakaja da hetaha času nie moža vyjechać z Ukrainy, nieviadomaja, ale isnuje vialikaja imaviernaść, što takija ludzi «na abmien» jašče jość.
«Naša Niva» adnaŭlaje zbor danataŭ — padtrymać prosta
Čytajcie taksama:
«Vajna mahła b pačacca nie va Ukrainie, a ŭ nas». Vialikaje intervju z Uładzimiram Niaklajevym pra vajnu, palityku debiełarusizacyi i novuju knihu
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia1
Kamientary