Litva bolš nie impartuje pryrodny haz z Rasii. Heta pieršaja kraina ES, jakaja admoviłasia ad rasijskaha hazu
Infarmacyju pra toje, što Litva bolš nie kuplaje pryrodny haz u Rasii, paćvierdziła Ministerstva enierhietyki krainy, piša delfi.lt.
«My — pieršaja kraina Jeŭrapiejskaha sajuza siarod krain-klijentaŭ «Hazprama», jakaja dabiłasia niezaležnaści ad pastavak rasijskaha hazu, i heta vynik doŭhaterminovaj paśladoŭnaj enierhietyčnaj palityki i svoječasovych infrastrukturnych rašeńniaŭ», — zajaviŭ ministr enierhietyki Dajnius Krejvis.
Pavodle źviestak Litoŭskaha apieratara hazatranspartnaj sistemy Amber Grid, u subotu impart rasijskaha hazu dla patreb Litvy pavodle litoŭska-biełaruskaha złučeńnia skłaŭ 0 MVt/h.
Jak śćviardžaje Ministerstva enierhietyki, uvieś popyt na litoŭski haz zadavalniajecca za košt Kłajpiedskaha terminała zvadkavanaha pryrodnaha hazu (TSPH). Zhodna z hrafikam, štomiesiac na terminał budzie pastupać try vialikich hruzy zvadkavanaha pryrodnaha hazu, jakoha pavinna chapić usim klijentam.
«Na bližejšy pieryjad klijenty padali zajaŭki na transpartavańnie hazu tolki z terminała. Pry nieabchodnaści haz moža być dastaŭleny ŭ Litvu taksama pa hazavym złučeńni z Łatvijaj, a z 1 traŭnia — i pa hazavym złučeńni z Polščaj», — havorycca ŭ paviedamleńni ministerstva.
Haz tranzitam praź Litvu praciahvaje transpartavacca dla patrebaŭ Kalininhrada, ale ŭ inšym techničnym režymie, čym zvyčajna, zabiaśpiečvajučy tolki pieradaču nieabchodnaj dla tranzitu kolkaści hazu.
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
-
U Italii biełarusa padazrajuć va ŭdziele ŭ złačynnaj hrupie
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary