Julu Haračka asudzili da hoda kałonii, ale vyzvalili z-pad varty pa pryčynie adbyćcia pakarańnia
U sudzie Savieckaha rajona Minska vyniesieny prysud pa kryminalnaj spravie vałanciorki i aktyvistki «Našaha Doma», palitźniavolenaj Juli Haračka.
Jaje abvinavacili ŭ «inšaj padrychtoŭcy asob dla ŭdziełu ŭ hrupavych dziejańniach, jakija hruba parušajuć hramadski paradak, albo aktyŭnym ŭdziele ŭ ich» (č. 2 art. 342 KK RB).
Pa materyjałach abvinavačvańnia, Jula «ažyćciaviła padrychtoŭku nie mienš za 178 asob dla ŭdziełu ŭ hrupavych dziejańniach, jakija hruba parušajuć hramadski paradak» — žančyna ažyćciaŭlała kampiensacyju i apłatu štrafaŭ i inšych vydatkaŭ achviaram represij.
Sudździa Siarhiej Šaciła prysudziŭ Juli hod kałonii va ŭmovach ahulnaha režymu. Prysudam suda zaličany ŭ termin adbyćcia pakarańnia čas zatrymańnia, a taksama čas utrymańnia abvinavačanaj pad vartaj, u suviazi z čym pakarańnie ličycca adbytym — Haračka vyzvalenaja z-pad varty ŭ zale suda.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary