Straty ad dziejańniaŭ rasijskich vojskaŭ va Ukrainie składaje nie mienš za 500 młrd dalaraŭ. Takuju ličbu ahučyŭ ministr finansaŭ krainy Siarhiej Marčanka ŭ intervju Forbes.
Pavodle jaho słoŭ, na 10 abłaściej, dzie ciapier iduć bajavyja dziejańni, prypadaje pałova VUP Ukrainy. Adny z najvažniejšych punktaŭ — heta Charkaŭ, Kijeŭ i Maryupal.
«Mnohija łahistyčnyja łancužki całkam razarvanyja, mnohija pradpryjemstvy źniščanyja fizična, niekatoryja nie mohuć pracavać u režymie vajny, mnohija rabotniki prosta źjechali. Ministerstva ekanomiki ličyła, što straty składuć ad traciny da pałovy VUP. Pa inšaj acency, havorka idzie pra 500 młrd dalaraŭ. Dakładna možna budzie paličyć tolki paśla vajny», — zajaviŭ Marčanka.
Jon dadaŭ, što rezka źnizilisia dachody biudžetu z-za prastoju mytni.
«Na mytni my źbirajem ad siły 15% pastupleńniaŭ mirnaha času. Niahledziačy na toje, što Adesa nie akupavanaja, adeskaja mytnia nie funkcyjanuje. A jana prynosiła da 20% pastupleńniaŭ. Kijeŭskaja mytnia taksama spyniłasia, funkcyjanuje tolki zachodni napramak», — adznačyŭ ministr
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary