«Zaŭtra 8 Sakavika, a ŭ mianie pierad vačyma žančyny, jakija raźvitvajucca z mužami». Śpiavačka Hanna Šarkunova emacyjna napisała pra vajnu
Śpiavačka Hanna Šarkunova apublikavała pranikniony post pra adčuvańnie vajny i tych, chto zaklikaje abstrahavacca ad «razburalnych enierhij».
«Voś užo tydzień jak my ŭ biaśpiecy. I heta lipkaje chałodnaje čornaje pačućcio straty ŭsiaho bazavaha ŭ žyćci pačało adstupać. Straty spakoju, kantrolu, za ŭsio. Šum hetaha hrukatu i śvist niečałaviečaha nad hałavoj. Taho, što nikoli nie pavinna było znoŭ zdarycca, — piša Hanna ŭ instahramie. —
Viarnuŭsia son.
Ja adčuła sapraŭdny žach ranicaj 24. Kali ty sprabuješ pakazać, što ty kantraluješ siabie, a ŭnutry tatalny žach. Sprabuješ nie spałochać svajo dzicia, a sam — dzicia i baišsia strašna.
Navat fota i karcinki, na jakija my hladzim, nie mohuć pieradać taho žachu, ź jakim sutyknulisia miljony ŭkrainskich siemjaŭ.
Hospadzie, vyratuj Ukrainu ad zła, jaki pryjšoŭ na ich ziamlu.
Siońnia ŭ stužcy zaŭvažyła pieršyja paviedamleńni ab tym, što treba praciahvać u resursie žyć, nie dać praniknuć u svajo žyćcio razburalnym enierhijam…
Fiejam dobraha kantentu pieraškadžaje vajna… A ja złujusia. Złujusia i vyju ad biaśsilla. Mnie tak strašna, što z kožnym novym dniom vajny normy zła pašyrajucca. I tak strašna, što my raptam pierastaniem zaŭvažać heta absalutnaje zło.
Zaŭtra 8 Sakavika, a ŭ mianie pierad vačyma tvary žančyn, jakija raźvitvajucca sa svaimi mužami…»
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary