Prezident Hiermanii Frank-Valter Štajnmajer pieraabrany na druhi termin. 13 lutaha za jaho prahałasavała istotnaja bolšaść siabroŭ Fiederalnaha schodu, paviedamlaje Deutsche Welle.
Sacyjał-demakrata Štajnmajera padtrymali ŭsie viadučyja partyi. Nie hałasavali za jaho tolki pravyja papulisty z «Alternatyvy dla Hiermanii» i «Levyja». Usiaho za 66-hadovaha palityka prahałasavali 1045 z 1425 siabraŭ schodu, 86 ustrymalisia, 294 čałavieki prahałasavali za inšych kandydataŭ.
Upieršyniu Štajnmajer byŭ abrany prezidentam u 2017 hodzie. Raniej jon zajmaŭ pasadu ministra zamiežnych spraŭ Hiermanii ŭ kaalicyjnym uradzie CHDS/CHSS i SDPH, a taksama byŭ vice-kancleram. Palityk udzielničaŭ u pieramovach pa «Minskich damovach».
Prezidentam Hiermanii moža stać luby hramadzianin hetaj krainy, jaki dasiahnuŭ 40-hadovaha ŭzrostu i vałodaje vybarčym pravam. Prezidenta abirajuć na piać hadoŭ, pieraabiracca na hetuju pasadu možna ŭsiaho adzin raz. Choć jon ličycca kiraŭnikom dziaržavy, ale na praktycy jahonaja rola bolš cyrymanijalnaja. Realnyja ŭładnyja paŭnamoctvy ŭ asnoŭnym u rukach fiederalnaha kanclera.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary